Topat ngjyryes, flluska banjo, bathbombs…mund t’i quani si të doni, vetëm kur i përdorni këto të fundit kini kujdes ! Jennifer Renee, nëna e një vajze të vogël ka publikuar një status në rrjetin social facebook, i cili është bërë viral dhe është shpërndarë mijëra herë.
Qëllimi i saj ka qenë i thjeshtë: të paralajmërojë prindërit e tjerë rreth këtij produkti që shtohet në vaskën me ujë për të ngjyrosur këtë të fundit e për të krijuar flluska.
Fëmijët argëtohen e bëjnë banjë me qejf , por pasi të shihni fotot e kësaj vogëlusheje, nuk do provonit më të shtonit asgjë tjetër në vaskën apo govatën ku lahet fëmija juaj.
“Brenda 30 sekonda pasi hodha topin në ujë, trupi i vajzës sime u shndërruar në të kuq dhe iu shfaqën flluska. Pa kaluar një minutë, kimikatet e këtij produkti dogjën lëkurën e vajzës sime”
Nëna pohon se kishte çuat vajzën tek dermatologu dhe nga vizita rezultoi se nuk ishte thjesht një reaksion siç kishte menduar, por një djegie e mirëfilltë kimikate! “E mora mësimin, prej kësaj dite, asnjë produkt me kimikate. Sa më pranë natyrales, aq më mirë” shkruan nëna e re në facebook.
