Një video tronditëse me një incident tepër të dhunshëm marrë nga kamerat e sigurisë në një rrugë të Stambollit është publikuar në gazetën "Hürriyet".
Pamjet në video tregojnë një 15-vjeçar që është duke ecur në rrugë me tre bashkëmoshatarë të tij, kur qëllohet me çifte nga mbrapa nga një distancë e vogël.
Teksa djemtë e tjerë vrapojnë dhe ikin, nxënësi i plagosur mbetet i shtrirë në tokë. Autori i plagosjes, shok klase me 15 vjeçarin, i afrohet afër me çifte dhe krejt gjakftohtë e qëllon sërish në kokë.
Ndërsa policia nisi një hetim për incidentin, dëshmitarët okularë thanë për mediat lokale se dëgjuan tre të shtëna.
Aktori, i cili u arrestua, i tha policisë se e kishte vrarë shokun e tij të klasës pas një debati dy ditë më parë me të.
