Hysa, për shumë vite ishte drejtor i Bibliotekës Kombëtare Universitare. Ka lënë pas vetes një opus të gjerë krijimtarie, ndërsa është spikatur sidomos në poezi, të cilat i ka botuar në disa vëllime gjatë krijimtarisë shumëvjeçare.
Në moshën 78 vjeçare ka ndërruar jetë Bedri Hysa, poet dhe veteranë i arsimit. Hysa, për shumë vite ishte drejtor i Bibliotekës Kombëtare Universitare. Ka lënë pas vetes një opus të gjerë krijimtarie, ndërsa është spikatur sidomos në poezi, të cilat i ka botuar në disa vëllime gjatë krijimtarisë shumëvjeçare.
Varrimi i Hysës bëhet sot në orën 16:00, në fshatin Stagovë, komuna e Kaçanikut.
Me rastin e vdekjes së poetit Bedri Hysa, kryeministri i Kosovës, Hashim Thaçi ka ngushëlluar familjen Hysa.
“Me pikëllim morëm lajmin për vdekjen e poetit dhe punëtorit shumëvjeçar të kulturës, Bedri Hysa.
Vdekja e poetit Bedri Hysa është humbje për familjen tuaj, për kulturën dhe letërsinë shqipe, së cilës i dha një kontribut të shquar.
Në emër të Qeverisë së Republikës së Kosovës dhe në emrin tim, Ju shpreh ngushëllimet më të thella”, thuhet në telegramin e ngushëllimit të kryeministrit Thaçi.