Ministraku i arsimit Arbër Ademi

Opinione

Ministraku i arsimit Arbër Ademi

Nga: Sulejman Mehazi Më: 21 shkurt 2019 Në ora: 15:18
Sulejman Mehazi

Pasi je i ri e i papjekur, e jo i moshuar e i pjekur, do ju prezentohem jo me zotëri po me zotërak, jo me Ministër, por me Ministrak Arbër Ademi, zotërakllëkun tuaj mund ta krahasojmë me çupëzat e vogla, por jo me çupat e rritura; me zonjushat e reja beqaresha pa përvojë dashurore, e kurrsesi nuk mund t'ju krahasojmë me  zonjat e rënda e fisnike, njësoj sikurse miut të vogël që s'i themi mi, por minak, edhe juve do ju thirrim zotërak ministrak Arbër Ademi.

Ministrak i nderuar Arbër Ademi, mos shikoni udhëheqjen e shkollave të drejtorëve, po vlerën e nxënësve të shkollave. Format e ligjeve arsimore degjohen e shihen, vlerat e nxënësve ndriçohen e frymëzohen.

Më shumë duhet shikuar të brendshmen e ngrohtë shpirtërore, terbien(edukatën) sesa të jashtmen e ftohtë, arsyen tuaj ligjore-juridike.

Arsyeja juar arsimore, mendore është e ashpër, e pa pëlqyeshme për vet shkollat, kurse morali i edukatës shpirtërore është e ngrohtë, e pëlqyeshme për vet shkollat shqipe.

Ministraken që e udhëheqni ju, për fat të keq, më shumë merret me arsyetime e dituri ligjore, sesa me dituri të ndritur morale e edukative.

Zotëri Ministrak i drejtorakëve  Arbër Ademi, dituria është qumësht, ama edukata, terbia, sjellja janë kajmaqet e diturisë, kajmaqet përherë e çdoherë rrinë mbi qumësht.

Kujdes, zotërak Arbër Ademi, shqiptarët kurrë s'kanë vepruar kundër ligjeve juridike arsimore, por e kundërta, ligjet arsimore shtetërore përherë e çdo herë kanë qenë kundra arsimit shqip.

commentFirst article
Sot mund të lexoni Shfletoni kopertinat