Jetojmë në një kohë ku mund të shkojmë në Hënë, por nuk i vizitojmë dot të afërmit;
Ku dashuria më shumë shprehet në rrjetet sociale se sa në jetën reale;
Ku një foto ‘belfie’ merre me tepër like se sa një foto duke lexuar;
Ku lajmet për femrat e zhveshura kanë me shumë klikime se sa lajmet për bamirësi e humanitet;
Ku femrat bëhen të famshme për shkak të ndjekësve në instagram e facebook;
Ku për një grusht like e disa klikime përqeshen e kryqëzohen njerëzit vetëm pse shprehin mendimet e tyre;
Ku te humbasësh telefonin është me keq se sa të humbasësh librat e fletoret;
Ku shkohet në banjo, jo për te kryer nevojat personale, por për të bërë foto ‘profesionale’;
Ku jeta e një qeni apo mace është me e rëndësishme se sa jeta e një njeriu;
Ku me shumë përkujdesen për xhepat e pacienteve se sa për shëndetin e tyre;
Ku spitalet me shumë janë shndërruar vende për biznes se sa vende për kurimin e qytetarëve;
Ku Universitetet janë shndërruar një ‘treg’ për shitblerjen e diplomave;
Ku blerësit e diplomave rekrutohen nëpër vende pune, ndërsa te diplomuarit bredhin rrugëve;
Ku papunësia është një plagë që po vret sepse hyrja në një vend të punës po konsiderohet luks;
Ku del në qytet dhe nuk e di a je në plazh apo je në shesh;
Ku prindërit nuk kanë kohë për fëmijët e tyre sepse janë të zënë me smartphone;
Ku jeta është bërë publike sepse gjithçka postohet në rrjete sociale, e privatësia ka humbur;
Ku njerëzit me shumë frikësohen nga ‘kriminelet’ se sa nga Krijuesi i tyre;
Ku vrasësi nuk e di pse ka vrarë e as i vrari pse është vrarë;
Ku drejtësia nuk kërcënon me ligjin e arsyes, por kërcënon me ligjin e korrupsionit;
Ku njerëzit me shumë kujdesen për dukjen e jashtme të tyre se sa për brendësin e shpirtin e tyre;
Ku te pasurit po bëhen gjithnjë e me të pasur, ndërsa të varfërit gjithnjë e me të varfër;
Ku lagjet e te pasurve po ndahen me mure nga lagjet e qytetarëve te varfër;
Ku miqësia virtuale është me e rëndësishme se sa miqësia reale;
Ku të kesh para është me e rëndësishme se sa te kesh dije e diplome;
Ku te kesh sponsorë e të besh jetë luksi duke mos punuar asgjë është bërë modë;
Ku te jesh i ndershëm dhe i sinqertë është sikur qingji të jetojë në mesin e egërsirave.