Gjëja më e sigurt, më e ditur, më e ekspozuar dhe njëkohësisht më e diskredituara publikisht dhe ndërkombëtarisht është fakti se “elita”politike, politika dhe politikanët shqiptarë kanë dështuar si në Shqipëri ashtu edhe në Kosovë.
Dështimin e tyre e verteton gjëndja që ka ardhur prej tyre, dhe fakti se ku ndodhet realiteti shtetëror, ligjor, ai politik, diplomatik, ekonomik, demokratik dhe ai i integrimit.
Ky dështim i madh i kësaj elite politike u ka shkaktuar pasoja të rënda sociale shqiptarëve si: papunësi, varfëri, stres , pasiguri ekonomike e juridike; humbje shprese dhe braktisje të atdheut.
Kjo elitë politike ka dështuar pasi as në Shqipëri dhe as në Kosovë politika nuk mundi që të ndëtojë një shtet ligjor e demokratik me standarde moderne; kjo elitë politike ka dështuar në luftën kundër krimit të organizuar dhe kundër korrupsionit; kjo elitë politike ka dështuar në rrugën e integrimit europian. Ka dështuar elita politike shqiptare ,kjo sepse: ajo vetë është problemi shqetësues më i madh që kanë sot shqiptarët
Ligjin në shtet, në drejtësi dhe kudo në të gjitha sferat e jetës e bëjnë injoranca, ligësia, krimi, ryshfeti e korrupsioni.
Kjo elitë politike ka kapur shtetin dhe drejtësinë. Ajo spekulon dhe manipulon me krimin, korrupsionin, pushtetin e demokracinë.
Shteti dhe shoqëria, demokracia dhe ligji në Shqipëri e Kosovë keqfunksionojnë sepse funksionojnë korrupsioni, krimi, antiligji e antishteti. Ky dështim i madh i politikës ka likujduar vlerat , lirinë dhe moralin politik.
Kjo elitë politike demokracinë dhe shtetin ligjor i ka kthyer dhe i përdor si mashtrime dhe hipokrizi dogmatike. Kjo elitë politike ka dështuar sepse interesi vetiak, egoizmi i saj dhe i qeveritarëve të saj janë të papërmbajtura, të liga dhe të pangopura.
Kjo politike e sotme është armiku më i madh i interesit të qytetarit dhe të atij publik. Kjo elitë politike zgjedh dhe seleksionon në krye të vetes së saj antivlerat, individë të padenjë e të patraditë, injorantë dhe të papërgjegjshëm para ligjit; zgjedh të korruptuarit dhe hajdutët. Kjo elitë politike e korruptuar demokracinë dhe zgjedhjet demokratike i ka kthyer në regjim dhe në zgjedhë, në kular e kurth demokratik.Kësaj elite politike nuk i intereson asgjë tjetër por vetëm pushteti, marrja dhe ruajtja e tij me cdo mjet.
Prandaj kjo elitë politike ka dështuar dhe duhet ndëshkuar e larguar nga pushteti sa më parë.