Sç dihet informacioni është burim i të dhënave për një ngjarje ose eveniment të caktuar, dhe duhet vërtetuar saktësia e tij. Marrja e informacionit dhe besueshmëria e tij, janë kritere për objektivitetin ose subjektivitetin e tij, nëse informacioni është i saktë atëherë kemi perceptim objektiv gjersa nëse informacioni është i përsëritshëm ose i rrejshëm kemi të bëjmë me dezinformin ose kontra propagandë e cila e cenon interesin e personit ose subjektit të caktuar qoftë politik, ekonomik, biznesor etj.
Analistët që merren me përpunimin, filtrimin, administrimin dhe analizimin e informacioneve duhet të kenë qasje proaktive dhe objektive gjatë trajtimit të informatave të marra si në sferën politike, ekonomike, biznesore të marketingut e ushtarake etj, sepse mund të dëmtojnë imazhin e subjektit që përfaqësojnë. Këta analist nuk duhet të përfaqësojnë vetëm interesin e organizatës që përfaqësojnë por duhet të gjejnë defektet dhe mangësitë e asaj organizate dhe të ofrojnë alternativa programore për tejkalimin e situatës në të cilën vije ai informacion.
Opinioni publik që të ketë një pasqyrë reale për gjendjen socio-ekonomike dhe politike, në shtet duhet të ketë qasje në burime të sakta informacioni, e ato do të ndikonin në rrjedhën e proceseve socio-politike dhe ekonomike në shtet si dhe në vetëdijesimin e masave të gjera popullore se në çfarë pozicioni ndodhemi dhe ku po shkojmë në të ardhmen??? A jemi shtet serioz, ku çalojmë dhe çfarë na duhet të tejkalojmë situatën e krizës si në rrafsh të brendshëm ashtu edhe ndërkombëtar, si dhe si mund të rregullojmë mirëqenien e qytetarëve.
Opinionit duhet gjithashtu të i shpjegohet se pos akterëve dhe aleatëve ndërkombëtar sikurse SHBA dhe BE, Kosova duhet të konsolidojë marrëdhëniet edhe me shtete sikur Rusia e Kina, sepse janë akterë që ndikojnë në sferën ndërkombëtare për shumë arsye, një pse kanë shumë mallra dhe investime kapitale në Kosovë e dyta se kanë peshë të madhe në aderimin e Kosovës në OKB, dhe e treta se mund të na minojnë në shumë mekanizma të OKB-së andaj nuk mund të anashkalohen e as injorohen por duhet trajtuar me kujdes sepse është interes i Kosovës aderimi në Interpol, UNESCO etj e këto aspirata nëse kemi probleme me Rusë dhe Kinezë bëhen të pamundshme të realizohen andaj është obligim parësor sidomos i analistëve politik, të sigurisë dhe ekonomik që për këto rrethana dhe procese të mirë informojnë opinionin publik, sepse në të kundërtën rritet sentimenti negativ i masave ndaj Rusëve e Kinezëve e kjo do e përkeqësonte pozicionin e Kosovës në rrafsh të brendshëm sa i përket investimeve të mëdha që kemi Ruso- Kineze e edhe në rrafsh ndërkombëtar zvarritja e procesit të aderimit të Kosovës në OKB dhe mekanizmat mbështetës të saj.
Informacioni i rrejshëm ose i pjesërishëm mbi këto çështje e manipulon opinionin publik dhe e dezorienton drejt një qasje të vërtet mbi rrethanat aktuale në shtet andaj duhet të kemi kujdes gjatë trajtimit të shumë proceseve dhe fenomeneve sesi e informojmë opinionin publik sepse siç e potencova krijohet sentimenti negativ i cili i përkeqëson relatat në shtet.
Është obligim moral dhe qytetar që analistët të jenë objektiv dhe mos të anojnë nga një subjekt i caktuar politik ose interes i një grupi të interesit ndërkombëtar por të bëjnë perceptim objektiv të gjendjes faktike dhe të servojnë këto informacione, konform interesave të opinionit publik.