Është më se evidente se Ilirida jonë, apo paraardhësit tonë kanë ekzistuar para mëse 4000 vjetësh, dhe se flitet që arianët dhe këltët kanë prejardhje Ilire, ne dalloheshim sikurse e përshkuan më vonë George Gordon Bayron, me ballë të hapur me hundë të drejtë me tipare të njerëzve krenarë. Çdo lëvdatë ndaj ndihmës dhe përkrahjes që na dhanë të huajt: Gjermanët, Amerikanët, Anglezët, Francezët etj, për çlirimin dhe liberalizimin e shoqërisë sonë dhe për mëvetësin e kushtëzuar të cilën ne sot e gëzojmë, por mos të harrojmë se po mos të ishin bijtë dhe bijat tona që e ndezën luftën askush nuk do reagonte ushtarakisht në Kosovë. Pamvarësisht meritave që ka komuniteti ndërkombëtar për lirinë dhe mëvetësin e Kosovës dhe për konsolidimin e institucioneve të Republikës sonë sado që është e brishtë, ne kemi qenë dhe do jemi në troje tona. Ishin Grekët u larguan, ishin Romakët shkuan, ishin Turqit e Serbët u larguan ishin Italianët u larguan e tani NATO, ne do mbesim dem baba dem në troje tona.
Duhet të zhvillojmë partneritet me të huajt si partner të barabart dhe mbrojmë institucionet e kombin tonë me të gjitha aktet ndërkombëtare, sepse është obligim moral dhe Kushtetues e qytetar të mbrohet integriteti dhe sovraniteti i shtetit tonë andaj nuk është periudha e servilizimit ose nënshtrimit por e argumenteve të cilat janë prevalente në rrafsh ndërkombëtar të mbrohet dinjiteti dhe morali kombëtar e shtetëror, dhe të kërkohet largimi i zyrtarëve ndërkombëtar që janë subjektiv e punojnë kundër interesave të popullit Shqipëtar.
Toka jonë nuk është në shitje as bregdeti Shqipëtar as Mitrovica e besa as trojet tjera Shqipëtare. Mos të lejojmë politikën e shantazhimit nga të huajt se edhe pse nuk jemi kundër minoriteteve ne nuk mund të lejojmë majorizimin e popullatës shumicë nga pakicat nacionale, pavarësisht se këtë e dojnë një pjesë e të huajve, të iu bëjm me dije se Gjermania, Anglia, Franca e Italia janë shtete kombëtare me avancimin dhe mbrojtjen e interesave të pakicave nacionale, por se në preambulën e tyre modeli është nacional e jo qytetar siç e kemi ne, e në Kosovë mbi 92 përqind janë popullatë Shqipëtare e edhe ne shumë shpejt duhet të ndërrojmë preambulën Kushtetuese ku do thuhej se Kosova është shtet i Shqipëtarëve dhe pakicave nacionale e jo të më të lejojmë vende të rezervuara që janë tejkaluar me paketë të Ahtisarit, jo më të lejojmë shumicën e Badinterit ose shumicën e pakicës që i minon proceset parlamentare në Kosovë, kurdo që Listës Serbe i konvenon.
Të jemi të bindur se sa më tepër parashtrojmë argumente në favor të kombit dhe shtetit dhe i kundërshtojmë personat ndërkombëtar që dojnë të bëjnë enklavizimin ose Bosnizimin e Kosovës, aq më tepër respekt dhe përkrahje ndërkombëtare do kemi, sepse do shofin se me çdo argument e mborjmë identitetin shtetëror dhe kombëtar, andaj klasa jonë politike duhet të rishikojë marrëveshjen për Çakorr të kërkojë të drejta për Shqipëtarët në Luginë në Maqedoni e Çamëri njëjtë si Serbët që kërkojnë për Veri të Mitrovicës që një ditë gjeneratat e reja ta gëzojnë lirinë në troje Shqipëtare e jo të bëhemi pre e pazarllëqeve dhe persekutimeve kombëtare që të ia plotësojmë tekat të huajve. Pra partneritet me ndërkombëtarët po por jo servilizim dhe shitje të interesave kombëtare.