Si po tenton Ramush Haradinaj t’i mashtrojë prapë qytetarët? - Bota Sot
Si po tenton Ramush Haradinaj t’i mashtrojë prapë qytetarët?

Opinione

Si po tenton Ramush Haradinaj t’i mashtrojë prapë qytetarët?

Drilon Rrahmani Nga Drilon Rrahmani Më 20 shtator 2019 Në ora: 16:08
Ramush Haradinaj

Ish kryeministri Haradinaj, që po synon që ta marrë postin e kryeministrit prapë, ndonëse dha dorëheqje para disa javësh, po premton se nuk do të luhatet nga qëndrimet e veta ‘parimore’.

Ai kështu tha edhe sot drejtpërdrejtë në debatin me qytetarët përmes Lëvizjes FOL, ku ndër tjera sulmoi kundërkandidatët e tij për luhatje qëndrimesh dhe pavendosshmëri, ndërsa duke thënë se nëse ai vet vie prapë në postin e kryeministrit, do t’i mbajë fjalët.

Por kështu nuk ndodhi në legjislaturën e kaluar kur u bë kryeministër i Kosovës.

Si mundet ai që të premtojë vendosmëri në premtime, kur ai vet e votoi demarkacionin, kauzë mbi të cilën erdhi në pushtet duke e kundërshtuar ashpër, madje edhe duke sulmuar ish qeverinë Mustafa në atë kohë.

Në çdo të dytën fjalë të Haradinajt, ai e përmend taksën, duke e bërë kauzë si demarkacionin, mirëpo kësaj radhe nuk do të mund t’i mashtrojë qytetarët si herën e kaluar. Madje, Haradinaj para pak ditësh deklaroi se me të kryeministër, askush nuk guxoj t’i fyej prokurorët e institucionet e drejtësisë. Por, ishte vet Haradinaj ai i cili e ofendoi prokurorin Elez Blakaj, duke e quajtur “hajn të pulave”.

Ky tentim i Ramush Haradinajt për të hedhur hi në sytë e qytetarëve, është vetëm një projekt i dështuar i tij, ku qytetarët do ta dënojnë me votë.

Madje, Haradinaj për vota u bë bashkë me PSD-në, anëtarët e së cilës e kishin quajtur Haradinajn më herët si njeri i haraqit. Gjithashtu, PSD-ja e kundërshton ashpër “Country Global”-in, teksa AAK-ja e Haradinajt e përkrah atë. Ata bien ndesh në shumë çështje, mirëpo të dy partitë duke shikuar interesin personal, janë bërë bashkë me njëra-tjetrën.

Duke i detyruara qytetarët e Kosovës që të “lundrojnë” në mashtrimet e tij, një nga to ishte edhe ajo e liberalizimit të vizave.

Dhjetëra data dha Haradinaj si kryeministër, mirëpo asnjë nuk iu realizua, e data e fundit që e hodhi në publik është 1 nëntor i këtij viti. Kujtojmë se më herët Haradinaj na e kishte uruar liberalizimin e vizave, pas një deklarata nga shteti gjerman.

Mashtrimi me demarkacionin, vizat, ofendimi i prokurorëve, , rritja e pagës për veten e tij, koalicioni për interesa personale, etj, janë fakte që ai do të humb në zgjedhjet e 6 tetorit.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...