Në rrethana sado normale , brënda disa ditësh mund të pritet konstitutimi i Kuvendit dhe zgjedhja e Qeverisë .
Qeverinë që do të zgjedhej e presin shumë punë serioze të paprekura dot, të nisura e të kryera aramara, të nisura e të kryera pjesërisht !
Qeveria në shkuarje virtuelisht dot nuk e ka pasë nisur procedurën për llogaridhënien e parave të mbledhura në Fondin Vendlidja Thrret dhe në Fondin 3% të destinuara për Çështjen e Kosovës gjatë viteve kritike 1989- 1999 e veçanërisht gjatë periudhës 1997-99 as për përgjegjësinë juridike të jo pak personave zyrtarë që ka kanë toleruar ndërtime ilegale të shumë godinave e objekteve banesore e afariste me të cilat , nder tjera , në shpërfillje të parametrave e normave urbanistike , janë bërë transakcione korruptive dhe është ngulfatur ambienti jetësor ! Poashtu ai ekzekutiv nuk ka bbërë çfarë ka mund të bënte dhe çfarë ka qenë dashtë të bënte në konfiskime të aseteve e pasurive të fituara ilegalisht!
U muar vesh se Qeveria që pritet të zgjedhet do të këtë shumë punë serioze për të kryer , në radhë të parë , amendimin e Kushtetutës, miratimin e Ligjit për Origjinën e Pasurisë, Ligjit për Zgjedhjet, Ligjit për Studimet Shkencore dhe për Studimet Profesionale, Ligjit për Gjykatën Administrative, Ligjit për Përgjegjësinë Morale, Objektive e Politike dhe të një vargut të akteve juridike të përgjithshme të reja përkatësisht për plotësimin e përmirësimin e akteve të tilla në aplikim.
Vetëm “ Dura Lex Sed Lex” nëpërmjet miratimit të akteve juridike të përgjithshme konform me Kushtetutën dhe aplikimit konsekuent të të njëjtave mund të arrihet luftim serioz , efikas e eficient i të gjitha formave të korrupsionit.
Këtë objektiv, me bazë ,mund të pritet të realizonte Qeveria e administrauar nga z. Kurti për aq sa partneri në koalicion do të ishte i përkushtuardhe kooperativ!
