Marrëveshja për Reformën zgjedhore me Edi Ramën, patjetër do të sjelli zgjedhje të parakohshme. Viti 2020 do të jetë viti i shpëtimit, nga Rilindja që i varfëroi dhe i poshtëroi të gjithë edhe ata që e votuan këtë “sekt politik”, të pa lexuar dhe dëgjuar, jo vetëm në vendet ish-komuniste dhe në Ballkan, por edhe në historinë politike botërore.
Edi Rama dhe Rilindja i sollën vendit narkoshtetin, në vend të zhvillimit ekonomik, shtetin policor në vend të shtetit të së drejtës, shtetin që ka përzënë shqiptarët, në vend të shtetit që e ka për detyrë t’i mbrojë dhe t’i zhvillojë ekonomikisht të gjithë.
Qeveria tranzitore është mënyra më e mirë, për të shpëtuar shqiptarët dhe demokracinë në vend nga oligarkët dhe kriminelët e veshur me pushtet, që nuk lënë minutë pa vjedhur dhe kapur cfarë të mundin nga narkoshteti dhe njerëzit e varfëruar deri në palcë.
Në çdo zyrë të Rilindjes, në çdo nivel të pushtetit vidhet dhe poshtërohen njerëzit çdo minutë dhe çdo ditë.
Marrëveshja për Reformën zgjedhore ishte një hap i rëndësishëm për t’iu dhënë të drejta shqiptarëve që të votojnë të pa kërcënuar siç votuan në vitin 2017 dhe në vitin 2019. Në këto vite të mbrapshta për demokracinë e brishtë në vend të gjithë u kërcënuan në votimet lokale dhe kombëtare nga narkoshteti i instaluar dhe nga bandat dhe oligrakët e Edi Ramës.
Nuk mund të bëhej reformë me banda droge, të udhëhequr nga kriminelë të kalibrit të lartë dhe një parlament fals, ilegjitim dhe shumë analfabet.
Zgjedhjet e vitit 2017 nuk do të përsëriten kurrë në të ardhmen. Përfaqësuesit e komuniteti ndërkombëtar dhe media ndërkombëtare janë ndërgjegjësuar për dëmet që i solli procesit zgjedhor dhe demokracisë votimet e vitit 2017 dhe 2019.
P.D. dhe opozita i bënë një nder të gjithëve me ligjin e dekriminalizimit që ishte hapi parë për të shpëtuar të gjithë nga kriminelët në parlament të cilët do të kapnin të gjithë shtetin në të ardhmen.
Situata politike “surreal” që pati ndërmend të krijonte Edi Rama në këto 7 vite, do ti jepte shansin kryeministrit kontrovers që ti qeveriste vendin edhe në mandatin e tretë, që do të shënonte një tragjedi për të gjithë.
Ky model sektar kishte filluar të pregatitej që para 20 vitesh dhe do të “aplikohej” në mënyrë prefekte në kurriz të shqiptarëve.
Sundimi dhe varfërimi post-modern është model tipik masonik, që shkatërron demokracitë dhe sjell neodiktaturat në vendet ku ishte projektuar të aplikohej.
I gjithë faktori ndërkombëtar në vend e kuptoi shumë mirë këtë lojë të një kryeministri sektar me veshje, sjellje, fjalor, humor sektesh siç është Edi Rama!
Djegja e mandateve nga P.D. dhe opozita për shkak të kësaj krize surreale, ku gjithçka ishte fasadë, propagandë, mospjesëmarrja në zgjedhjet lokale i ‘u tregoi të gjithëve shqiptarëve dhe ndërkombëtarëve që në Shqipëri ka një krizë të thellë dhe zgjidhja e kësaj krize kalon përmes disa hapash që është përmbledhur qartë në 10 kushtet e Bundestagut.
Edhe zgjidhja e kësaj krize krejt të veçantë të paparë dhe dëgjuar, kërkonte hapa të kujdesshëm nga P.D., opozita dhe lideri Lulzim Basha.
Hapat të cilët ndërmorën opozita, P.D. dhe Zoti Basha e shkërmoqen kryeministrin kontrovers dhe Rilindjen, këtë herë me ndihmën e ndërkombëtarëve.
Të gjithë ndërkombëtarët deklaruan në formë diplomatike dhe haptas se Shqipëria është në krizë të thelle dhe kjo “patologji politike” kalohet vetëm me një ilaç: “Zgjedhje të lira në Shqipëri”!
