Disa porosi dhe “këshilla” për Albin Kurtin  dhe Vjosa Osmanin - Bota Sot
Disa porosi dhe “këshilla” për Albin Kurtin  dhe Vjosa Osmanin

Opinione

Disa porosi dhe “këshilla” për Albin Kurtin  dhe Vjosa Osmanin

Skënder Sadri Kapiti Nga Skënder Sadri Kapiti Më 27 shkurt 2020 Në ora: 13:14
Albin Kurti  dhe Vjosa Osmani

Është e vështirë, shumë e vështirë për politikanin që ai t’i shpëtojë mosdevijimit nga premtimet dhe morali politik. Ai duhet të përgjigjet sepse përgjegjësia e tij është direkte para popullit. Por kurrë nuk i lejohet politikanit dhe pushtetarit që nga egoizmi dhe verbëria për përfitime e për pushtet personal, për interesa të tij dhe të dëshirimit të tij, nuk i lejohet  që ai t’u bëjë dëm interesave publike e kombëtare, pra tradhtinë. Askush nuk mund ta drejtojë dhe as ta sundojë kohën, por është koha ajo e cila do ta bëjë gjykimin.

Politikani në demokraci duhet të mendojë se një ditë do të largohet nga politika, dhe po e mendoi këtë ai edhe vetëkorigjohet pa e pritur ndëshkimin.

Shqisa e gjykimit të popullit është e pagabueshme, gjykimi popullor vjen ngadalë por rrjedhshëm e pandalshëm. Dhe gjykimin e ndëshkimin  mençurimi popullor e bën kur ai vlerëson se mirëbesimi i tij është shpërdoruar nga hipokrizia e politikës dhe e pushtetit.

Realiteti , e drejta, e vërteta, mashtrimi dhe korrupsioni nuk mund të fshihen nga hipokrizia, mashtrimi dhe as nga tradhtia. Këtë e vërtetoi edhe verdikti popullor i 6 Tetori 2019.

Politikani i etur për pushtet deri në pangopësi i sjell fatkeqësi e tragjedi kombit të tij. Etjes për pushtet i duhet vënë fre, dhe ky fre është Ligji, Morali dhe Kushtetuta, të cilat të frenojnë dhe nuk të lënë për të bërë gjithçka edhe të paligjshme ashtu sikurse kanë bërë pothuajse të gjithë politikanët shqiptarë të pushteteve paraardhëse si në Shqipëri ashtu edhe në Kosovë.

Realitetin dhe premtimet për ndryshimin e tij duhet të kthehen në veprime dhe akte në mënyrë që shpresat që besojnë në to të mos zhgënjehen. Në punën tuaj Z .Kurti dhe Ju znj. Osmani është e sigurt se nuk do të jeni të pëlqyer nga të gjithë, pasi edhe virtytin nuk e pëlqejnë të gjithë pavarësisht se të gjithë flasin për të; por edhe  duhet të kini kujdes edhe nga demgogjia dhe demagogët, nga servilët që përpiqen t’iu rrethojnë pasi janë gjithmonë të nuhatshëm dhe të gatshëm për të ndërruar ngjyrën dhe kahjen. Afroni në politike e pushtet më të aftët dhe sidomos më të virtytshmit

Shfaq komentet
comments powered by Disqus
Sot mund të lexoni Shfletoni kopertinat