Ab Initio Nullum, Semperea Nullum
Kur një punë, akt, veprim niset keq, nuk mund të mos përfundojë mirë. Përkundrazi. Sentenca latine Ab Initio Nullum, Semperea Nullum , e mbështetur në pervojat e mëparshme të verifikuara deri në ditët tona, të përsëritura dhe të konfirmuara nëpër kohë e meridiane , konsiston në konkludimin se , fillimi kur është i keq , edhe perfundimi do të jetë i tillë, i keq!
Qeveria aktuale e RK-së ka qenë formuar në saje të një fushate të pjesës së konsideruar të kastës politike ,të ndihmuar nga Gjykata Kushtetuese, por, jo edhe nga Kushtetuta e RK-së.
Qeveria e RK-së në pushtet , ka qenë e formuar në kundërshtim me ligjin e aplikuar , sëpakut nga këto katër shkaqe,
një , në insuficiencë të kapacitetit politik , “ nëpër teh të gjilperës” ,
dy, në saje të dy votava apriori problematike ( njërës së imponuar Vis , Clam Precario e tjetrës apriori invalide nga pushimi i mandatit të deputetit për shkak të dënimit me burg mbi një vit),
tre, pa subjektin politik fitimtar në zgjedhjet e përgjithshme- sic dhe,
katër , jo sipas Ligjit për Qeverinë , por, sipas vendimit qeveritar , të pa bazë ligjore, i cili , asaj ia mundëson strukturimin , ad hoc , inflativ , ngjashëm me harmonikën tallava, në dëmin e parasë publike dhe për aq në disfavorin e efikasitetit dhe eficiencës së saj !
Qeveria e RK-së nuk mëton të mobilizohet seriozoisht kundër korrupsionit
Në këtë ditë Qeveria e RK-së ka proklamuar se është në përgatitje të një Rezolute kunder Korrupsionit. Sikundër dihet , korrupsioni konsiston në shumë forma , përmbajtje dhe manifestime më së të ndryshme ,në një anë dhe, në vendin tonë , është i konsoliduar në sfefa dhe nivele të caktuara të tri pushteteve, në anën tjetër.
Korrupsioni ,pos instrumenteve e mekanizmave tjerë , do të mund të luftohej , kurrsesi me dofarë rezolutash, por ,
nëpërmjet miratimeve të shumë akteve ligjore e nënligjore ,
miratimeve të ndryshimeve, plotësimeve e përmirësimeve të shumë akteve ligjore e nënligjore në fuqi si dhe
implementimit të përkushtuar të tyre.
Sikundër dihet, nisë nga Kushtetuta , shumë akte ligjore në fuqi do të duhej të plotësoheshin, përmirësoheshin dhe të ndryshoheshin poashtu shumë akte ligjore do të duhej të miratoheshin.
Gjendja e legjislacionit sekondar është kaotike, nga se, jo pak akte nenligjore nuk egzistojnë e shumë akte nënligjore janë të cekëta, të paqarta, të mëngëta dhe për aq vështirë të aplikuara.
Qeveria aktuale nuk përfillë akte qevritare në fuqi
QRK-ja , me Vendimin 01- 04 dt. 22 shtator 2017, e ka pasë formuar Komisionin Shtetëror për Shënjimin dhe Mirëmbajtjen e Kufirit Shtetëror të kryesuar nga z. Shpejtim Bulliqi ( KSHSHMKSH – II ) me detyrë që, pos funksioneve sipas ligjit të aplikuar ,me angazhim të veçantë, të bënte vlerësimin profesional shkrimor të punës së ish Komisionit Shtetëror për Shënjimin dhe Mirëmbajtjen e Kufirit Shtetëror të kryesuar nga z. Murat Meha ( KSHSHMKSH –I).
KSHSHMKSH – II, me përgjegjësi e profesionalizëm e ka pasë kryer vlerësimin e punës së KSHSHMKSH – I dhe, për te ,QRK-së të administruar nga z. Ramush Haradinaj si dhe ish deputeteve dhe deputetëve e Legjislaturës së V – të të Kuvendit të RK-së , ju ka pasë dorëzuar Raportin e Punës të hartuar në mbi 1000 faqe tekst me shtesa të dokumenteve zyrtare , shkencore e profesionale përkitazi me kufirin administrativ dhe delimitimin në vend të demarkimit të tij ndërmjet Kosovës dhe Malit të Zi ,me konkludim se ,KSHSHMKSH – I, ka qenë i mandatuar për demarkacion – shënjim kufitar të linjës ndarëse administrative nga viti 1945 gjatë linjës ndarëse Qakorr- Hajle – Kullë e Zhlepit por jo për redelimitacion – ricaktim të kufirit të Kosovës dhe Malit të Zi dhe me me propozimin për të mos ratifikuar Ligjin nr. 06- L – 060 për Ratifikimin e Marrëveshjes dt. 26 gusht 2015 për Kufirin Shtetëror ndërmjet Kosovës dhe Malit të Zi.
Sikundër dihet , edhe nëpërmjet joshjeve dhe kanosjeve dhe trafikimeve të votave të disa deputeteve e deputetëve , ka qenë miratuar Ligji 06 – L – 060 për Ratifikimin e Marrëevshjes së datës 26 gusht 2015 për Kufirin Shtetëror ndërmjet Kosovës dhe Malit të Zi, me të cilën ,në vend të demarkacionit, ka qenë bërë redelimitacion kufitar i gabuar sipas së cilës , pa asnjëfarë baze juridike , Kosova ka qenë dëmtuar për hiq më pak se për mbi 8000 hektarë.
Megjithatë , presidentët e Kosoves dhe te Malit te Zi ,z. Hashim Thaçi dhe z. Filip Vujanoviq, ca ditë para datës 21 mars 2018 - para vendosjes për “ Marrëveshjen për Demarkacionin”( e cila nuk ishte dot për demarkacion por ishte për redelimitacion madje te gabuar ), e kanë pasë nënshkruar një Deklaratë për “mundësinë e ndreqjeve të gabimeve eventuale” nga Marrëveshja e datës 26 gusht 2015 për Kufirin Shtetëror ndërmjet Kosovës dhe Malit të Zi.
Ish Kryeministri Haradinaj , KSHSHMKSH – II , posaçërisht e ka pasë angazhuar dhe po ai Komision e ka pasë marrë për sipër përgatitjen serioze e meritore për takim fillimisht politik e rrjedhimisht për bashkëpunim juridik e operacional me perfaqësuesë të autorizuar të Malit të Zi për realizimin e eventual të drejtë të demarkacionit kufitar i cili nuk ka qenë kryer madje as as deri sot ! KSHSHMKSH – I , ka pasë vijuar punën intenzive, profesionale e të përgjegjëshme duke siguruar numër të konsideruar të dokumenteve zyrtare sipas të cilave argumentohet se kufiri administrativ ndermejet Kosovës dhe Malit të Zi ,nga viti 1945 , ishte gjatë linjës Qakorr- Hajle – Kullë e Zhlepit të cilën do ta mbronte në çdo nivel e kohë bazuar në harta shkencore, harta shkollore, harta ushtarake, libra shkollorë , libra shkencorë, artikuj profesionalë e shkencorë , enciklopedi shkencore , projekte të infrastrukturës së konstruktuara dhe të financuara nga Kosova deri në kufirin administrativ egzistues veçanërisht deri në Qakorr dhe Kullë të Zhlepit!
Qeveria aktuale e RK-së , del të jetë kunder KSHSHMKSH –I si dhe demarkimit të drejtë të Kufirit Shtetëror ndërmjet Kosovës dhe Malit të Zi!
Ish KSHSHMKSH – I ka pasë autorizim për të shënjuar – demarkuar kufirin administrativ historik, egzistent e të pandryshaur asnjëherë dhe askund nga viti 1945 gjatë linjës ndarëse Qakorr – Hajlë – Kullë e Zhlepit . Ndërkaq , ai Komision, ironikisht , në vend të demarkacionit- shënjimit kufitar e ka pasë kryer redelimitacionin apo ricaktimin e gabuar të kufirit administrativ. Poashtu ,është e groteske qe shumica e qytetarëve e e të mos flasim për shumicën e ish deputetëve dhe deputeteve votues-e të “ demarkacionit” qe , redelimitimin – ricaktimin e paautorizuar , të gabuar dhe të dëmshëm të kufirit administrativ, e quajnë “ demarkacion”.
Përkundrazi demarkacioni i kufirit të Kosovës dhe Malit të Zi, jo qe nuk ka qenë bërë deri në dt. 21 mars 2018 , në miratimin e Ligjit 06 – L – 060 për Ratifikimin e Marrëveshjes dt. 26 gusht 2015 për Kufirin Shtetëror ndërmjet Kosovës dhe Malit të Zi , por, nuk është bërë dot deri sot e kësaj dite!
Në anën tjetër, KSHSHMKSH – II , nga emërimi - dt. 22 shtator 2017 si dhe rrjedhimisht nga data 21 mars 2018 - nga ratifikimi i Marrëveshjes dt. 26 gusht 2015 për Kufirin Shtetëror ndërmjet Kosovës dhe Malit të Zi, ka punuar sistematikisht dhe ka siguruar dhe përgatitur elaborat me dokumente zyrtare , të dhëna shkencore , profesionale e teknike me të cilat katercipërisht argumentohet fakti se Kufiri Shtetëror ndërmjet Kosovës dhe Malit të Zi ishte dhe do të duhej të ishte gjatë linjës administrative ndarëse Qakorr- Hajle – Kullë e Zhlepit.
KSHSHMKSH – II , e ka pasë informuar , fillimisht , ish Kryeministrin Haradinaj e në vijim ish Kryeministrin Kurti për nevojen imediate për negociata politike e vijimisht për aktivitete praktike për demarkimin përfundimtar të drejtë e të qendrueshëm të kufirit shtetëror ndërmjet Kosovës dhe Malit të Zi .
Ish Kryeministri Haradinaj e ka pasë mbështetur kërkesën e tillë ,por, konvencionalisht ,nuk ka pasë vepruar më tej. Ish Kryeministri Kurti atë kërkesë e ka pasë neglizhaur madje ka pasë shprehur pikëpamje për ta ristrukturuar KSHSHMKSH – I ! Ndërkaq , Kryeministri Hoti nuk ka qenë dënjësuar për të pranuar përfaqësuesë të KSHSHMKSH – II për të shoshitur këtë çështje. Ngjashëm, kanë qenë sjellur edhe një nga z,kryeminstrat si dhe minsitresha e resorit për financa! Sëandejmi , qendrimi i tillë i QRK-së aktuale , del të jetë prototip i sjelljes teknoburokratike , neglizhente, indolente , indiferente dhe të papërgjegjëshme për çështje të caktuara të interesit publik-sic!
Qeveria aktuale e RK-së , referuar çështjes së demarkacionit dhe KSHSHMKSH- II , vepron sipas qendrimit apriori refuzues, neglizhues të stilit arbitrar dhe joprofesional!
Qeveria paraardhëse e RK-së e administruar nga z. Kurti si dhe Qeveria aktuale e RK-së e administruar nga z. Hoti, në mënyrë arbitrare që nuk mund të ndodhë në shtein e së drejtës , pa aktvendim, pa vendim , pa kontratë shkrimore , shumicës së anëtarëve të KSHSHMKSH II , të pa shkarkuar dhe të pa dorëhequr, ju kanë pezulluar pagat nga 1 janari 2020 deri në aktualitet!
Në atë trajtë , nuk ka qenë vepruar as në kooperativat bujqësore të viteve 1945 – 55 , në të cilat dosido, për çështje statusore punësore dhe pagesore , kanë qenë praktikuar akte shkrimore në formë të aktvendimeve apo vendimeve, por, kurdoherë me dispozitiva të qartë, arsyetime dhe udhëzime juridike për shprehje të pakënaqësisë eventuale të palëve në procedurë.
Disa kërkesa shkrimore të përfaqësuesëve të autorizuar të KSHSHMKSH II, adresuar QRK-së aktuale për përfillje të Vendimit 01- 04 dt. 22 shtator 2017 të QRK-së për emërimin dhe autorizimet e KSHSHMKSH II (sipas të cilit , ai Komision, ka mandat deri në datën 22 shtator 2020 dhe anëtarët e tij të pashkarkuar as të dorëhequr, kanë të drejtë në paga mujore deri në datën 22 shtator 2020 ,pra, deri në skadimin e mandatit) , QRK-ja aktuale, nëpërmjet Kryeministrit Hoti , një nga z. kryeministrat dhe ministreshës për financa , i ka neglizhuar shpërfillshëm!
Apel AAK-së dhe z. Ramush Haradinaj-t për të dalë nga koalicioni qeveritar
Në shtete të së drejtës, kudo dhe kurdo , akti juridik i përgjithshëm dhe individual nder ta edhe vendimi i qeverisë paraprake, e obligon qeverinë në pushtet, sikundër ta kishte miratuar vetë.
Kjo është praktikë e mirë e shteteve të së drejtës sikundër për qeveri ashtu edhe për institucionet publike tjera.
Ndaj, Qeverinë aktuale të RK-së , nolens volens, e obligon Vendimi nr. 01- 04 dt. 22 shtator 2017 i QRK-së për formimin e KSHSHMKSH II me detyra për :
vlerësimin e punës të ish KSHSHMKSH I ( të cilën punë e ka qenë bërë sikundër kërkohet),
përgatitjen profesionale e teknike për rishikim eventual të kufirit ndërmjet Kosovës dhe Malit të Zi të redelimituar nga ish KSHSHMKSH I dhe të miratuar me Ligjin 06- L – 060 për Ratifikimin e Marrëveshjes dt. 26 qërshor 2015 për Kufirin ndërmjet Kosovës dhe Malit të Zi,
demarkimin e Kufirit Shtetëror ndërmjet Kosovës dhe Malit të Zi,
përgatitjen profesionale e teknike për demarkimin e Kufirit Shtetëror ndërmjet Kosovës dhe Sërbisë si dhe për
mirëmbajtjen e Kufirit të RK-së ,në tërësinë e vetë!
Të gjitha këto objektiva, KSHSHMKSH II i ka përfillur me përkushtim , veçanërisht , për:
rishikimin eventual dhe korrigjimin e Kufirit Shtetëror ndërmjet Kosovës dhe Malit të Zi të redelimituar gabimisht dhe të ratifikuar në datën 21 mars 2018 ,
demarkimin e Kufirit Shtetëror ndërmjet Kosovës dhe Malit të Zi si dhe për
demarkimin e Kufirit Shtetëror ndërmjet Kosovës dhe Sërbisë!
Ndërkaq, Qeveria aktuale e Kosovës , pos që pa bazë ligjore, anëtarëve të pashkarkuar dhe të padorëhequr të KSHSHMKSH II nga 1 janari 2020 , “aramara” , pa aktvendim, pa vendim, pa kontratë , pra arbitrarisht dhe joprofesionalisht, ju ka pezulluar pagat madje me Vendimin e vetë nr. 04- 09 dt. 1. 7. 2020 e ka shfuqizuar Vendimin e QRK-së nr. 01 – 04 dt. 22 shtator 2017 për Formimin e KSHSHMKSH II dhe, në atë mënyrë, implicite, ka neglizhuar dhe mohuar nevojen imediate për rishikimin eventual të Kufirit Shtetëror ndërmjet Kosovës dhe Malit të Zi në mënyrën e caktuar me Deklaratën Politike të Presidentit të Kosovës z. Hashim Thaçit dhe të Presidentit të Malit të Zi , z. Filip Vujanoviq si dhe nga Qeveria e administraur nga z. Ramush Haradinaj!
Qeveria aktuale e RK-së , në mënyrën e sipërme ,pos shpërfilljes së obligimit të vetë për zbatimin e Vendimit 01 – 04 dt. 22 qërshor 2017 të QRK-së për Formimin e KSHSHMKSH II dhe të qendrimit të QRK-së së administruar nga z Haradinaj , e ka nëpërkëmbur edhe qendrimin politik të AAK-së , të njërit nga aleatët në koalicionin qeveritar!
Sëandejmi subjekti politik qeveritar AAK-ja nëpërmjet z Haradinaj ,do të duhej imediatisht të reagonte seriozisht nëpërmjet braktisjes rezignante të koalicionit qeveritar aktual!
Disa nga defektet juridike të Vendimit 04 – 09 dt. 1. 7. 2020 të QRK-së
Vendimi 04 – 09 i dt. 1. 7. 2020 i QRK-së për Shfuqizimin e Vendimit 01- 04 , dt. 22 shtator 2017 të QRK-së për Formimin e KSHSHMKSH II, pos defekteve politike të sipërthëna , është juridikisht i paqendrueshëm ,nga se:
nuk ka mbështetje ligjore,
nuk ka preambulë ,
nuk ka dispozitiv të qartë konform me terminologjinë juridike,
nuk ka arsyetim as udhëzim juridik ,
në mënyrë implicite , heq dorë nga synimi qe del nga Deklarata e presidentëve të Kosovës dhe Malit të Zi për korrigjimin eventual të Kufirit Shtetëror të Kosovës e Malit të Zi , të miratuar me Ligjin 06 – L 060 për Ratifikimin e Marrëveshjes dt. 26 gusht 2015 për Kufirin Shtetëror ndërmejt Kosovës dhe malit të Zi , me të cilën në vendin e demarkimit ka qenë bërë redelimitim i gabuar dhe i dëmshëm për territorin e Kosovës për hiq më pak se mbi 8000 hektarë dhe ,
çështjen e redelimitimit të gabuar dhe të dëmshëm për territorin e Kosovës për mbi 8000 hektarë me çështjen e demarkacionit kufitar të pakryer deri sot ndërmjet Kosovës dhe Malit të Zi , e lënë ad acta për një periudhë , padyshim ,të gjatë !
Për vetëm një defekt të tillë ,e aq më parë për të gjitha tok, Vendimi në fjalë rezulton i paligjshëm!
Pasi që , në mënyrën e sipërme, Qeveria aktuale e RK-së ,në të cilën është në koalicion edhe AAK-ja , ka shpërfillur dhe neglizhuar qendrimin politik të AAK-së më konkretisht të kryetarit të saj z. Haradinaj , me bazë do të mund të pritej qe Aleanca për Ardhmërinë e Kosovës, pa hezitime, do të braktisë koalicionin qeveritar aktual dhe do të del nga Qeveria aktuale e RK-së!
