Absurditetet e 'VIP-ave të Koronës' - Bota Sot
Absurditetet e 'VIP-ave të Koronës'

Opinione

Absurditetet e 'VIP-ave të Koronës'

Nga: Kimete Berisha Më: 11 korrik 2020 Në ora: 15:16
Kimete Berisha

1. Deputetja e PDK-së që me nervozë të kuqe e kërkonte dorëheqjen e Arben Vitisë (kur kishte aq pak të infektuar me Covid 19), tash kur thuhet se janë 200 mijë qytetarë me virus, dhe që është infektuar edhe vetë nga koronavirusi, nuk e kërkon dorëheqjen e Armend Zemajt.

2. E njejta deputete i jep vetes leje të dalë nga banesa dhe nuk ndëshkohet që i rrezikon të tjerët të infektohen, ndërsa një infermiere u gjobit me 1000 euro për të njejtin veprim si të kësaj.

Sëmundja i trajton njerëzit barabartë, jo si VIP-a dhe si anonimë, por politika shqiptare i ndan ata në 'dikushi' dhe 'askushi'.

3. Më shumë dje u bë lajm infektimi i një politikani me Covid 19, sesa vdekja e një shtatëzëne 21 vjeçare nga infektimi me koronavirus, pasi lindi fëmijën.

Askush nga politikanët nuk i ngushëlluan familjet e viktimave të Covid 19. Dhe emrat e tyre që deridje i jepni veç si iniciale, tash i japin veç si numër.

Por e gjithë skena politike pa përjashtim janë të preokupuar dhe merren ekzkluzivisht veç me mirëqenien VIP-ave me koronavirus.

Të kishte Kosova varkën e Noas kundër Covid 19, sot në atë varkë, do të kishte vend veç për familjarët dhe t'njofshmit e politikës.

4. Nëse nuk je VIP apo nuk ke të njofshëm, nuk mund ta bësh testin e koronavirusit, pa të pa që po luan me shpirt.
Tek kur të shohin se po të del flaka prej hundve, ta bëjnë testin.

Ndërsa testi (serologjik) që bëhet në klinika private kushton sa një rrogë, 50 euro testi, 70
raporti i testit.
Hajni e madhe, krim i organizuar.

Krejt bota duhet të dëgjoj se në Kosovë testet për COVID 19 po bëhen me t'njofshëm dhe me intervenime. Nepotizëmi po lulëzon edhe në pandemi.

Pra, shqiptari i thjesht ka probleme të paimagjinueshme, në sistemin jashtë normales të korruptuar të shëndetësisë në vend.

Krejt bota le ta di se nga Institucionet po keqpërdoren tenderët për maska, dezinfektues, dorëza, ilaçe dhe ushqim.

Le ta merr vesh bota se në Kosovë po bëhet kërdi ndaj popullit të thjeshtë dhe ndaj atyre që s'i kanë dajtë e fortë.

5. Në anën tjetër, nga padituria dhe nga kaosi që po mbretëron në Kosovë, Edi Rama po përfiton edhe pare dhe po e 'pshton' turizmin e tij të 'horror'.
Të bësh pushime e salltanet në kohë pandemie, është absurd dhe 'luks' i llojit të vetë.

Në kohë pandemie globale, Edi Rama e reklamon për shqiptarët e Kosovës, hijeshinë e ftohtë dhe të gurtë të vendit të tij dhe sillet sikur çdo gjë është rreze dhe ujë i njelmtë.
Normal që veç shqiptarët e Kosovë shkojnë marrin rreze dhe virus atje.

Në kohën kur kryeministri Avdullah Hoti po kërkon gjendjen e jashtëzakonshme, në bregdetin shqiptar shkojnë e vijnë qindra mijëra pushues nga Kosova, ku rafsha mos u vrafsha, nuk po dihet më kush po hyn, as kush po del, kush po han as kush po paguan.

Veç po dihet se Edi Rama po vazhdon të mbledh gjoba nga ne, te kufiri, për rrugët e tij pa drita dhe pa shenja dhe po i rrezikon qytetarët të bëjnë pushime në hotelet që nuk dezinfektohen kurrë.

6. Në anën tjetër, shumë shqiptarë vazhdojnë ta mohojnë ekzistencën e koronavirusit.
Mohimi është 'mekanizëm mbrojtës', në rregull, e mohojnë nga frika (si ata që s'guxojnë ta quajnë kancerin me emër, se kujtojnë që e bëjnë 'përnime', por e quajnë 'ajo sëmundja e keqe').

Mohimi ndodh shkaku se njerëzit kujtojnë se fuqia e fjalëve të tyre është aq e madhe sa nëse të keqen e quajnë me emër, bëhet përnime.
Si ai besimi i vjetër se nëse tri herë thua 'vdiqa', vdes!

Është abdurd, por mohimi i mbron njerëzit nga frika, prandaj mohuesit refuzojnë të frikësohen, duke mos e pranuar koronavirusin si fakt.

Këngëtari nga Ferizaj për shembull, i pranon krejt sëmundjet vdekjepurëse si fakt (bile i ndihmon njerëzit) por ja që këtë virus ka marrë vendim mos me pranu.
Dhe më lehtë e pranon të duket qesharak sesa të jetoj me frikë.

7. Dikush po vdes nga koronavirusi; dikush po jeton i izoluar; dikush po jeton në frikë të përhershme;
dikë nuk e merr gjumi;
dikush nuk mund të zgjohet nga gjumi;
s'di shqiptari kah t'ia mbajë;
paqartësi e madhe, vetmi e papërshkruar institucionale.

Kafenetë plot, rrugët e parqet përplot, dasmat bëhen në mënyrë 'ilegale' nëpër shpija, në kohën kur ministri i drejtësisë e bën me Ligj që të martohen edhe personat e të njëjtës gjini.
Çdo gjë e ka humbur sensin e logjikës dhe rendit.

Pasiguri e madhe në një shtet në krye me një kryeministër që sillet sikur i humbur, dhe si dikush që nuk ka haber se çka po ndodh, derisa ministri i shëndetësisë është njeriu më arrogant, më mendjemadh dhe më i vetëkënaqur që ka njohur deri tani skena politike.

Në kulmin e varfërisë, të papunësisë e të krizës, e bën vëllain ambasador, e as që rreh çerpikë për këtë marifet.

P.S. Ngushëllime të gjithë familjarëve që kanë humbur të dashurit e tyre nga Covid 19, ngushëllime për babën, Berat Buzhala.

Sot mund të lexoni Shfletoni kopertinat