Të dashur bashkombës,
Të drejtat, e të gjitha komuniteteve fetare, në Republikën e Kosovës, janë të mbrojtura me Kushtetutë.
Është e drejtë elementare, fetare, dhe ligjore, ndërtimi i objekteve fetare, madje ështē obligim institucional, në këtë rast i Komunës së Prishtinës, të vendos për kërkesat e komunitetit musliman, si shumicë në Kosovë për ndërtimin e një xhamie, të madhe në Kryeqytet.
Vendimi për ndërtimin e xhamisë së madhe në Kryeqytet, është marrë; tani Komuna e Prishtinës duhet të inkurajohet dhe pëkrahet në kryerjen e obligimeve të saj, karshi nevojave dhe kërkesave të qytetarëve dhe të zbatoj vendimin, që e ka marrë për ndërtimin e xhamisë së madhe në Prishtinë.
Si qytetarë, të Republikës do duhej, jo të turpërohemi, po të krenohemi edhe me përkatësinë tonë fetare dhe besimin në Zot!
Të gjithë njerëzit e botës, kanë të drejtë monumentale, fetare dhe ndërtimin e objekteve të tyre fetare.
Është e drejtë e të gjithë njerëzve, në mbarë botën, ta demonstrojnë besimin e tyre fetar, si musliman, katolikë, ortodoksë, bektashi dhe protestantë.
Të gjitha qytetet më të mëdha, u’a kanë ofruar qytetarëve të tyre, vendet më të mira për ndërtimin e xhamisë.
“Jemi mbi 95% musliman, mos të paraqitemi ç’farë, nuk jemi“
Besimi në një Zot të vetëm, duhet të jetē krenari, jo inate dhe ndasi!...
