Mos ju ngjit njerëzve nofka!

Opinione

Mos ju ngjit njerëzve nofka!

Nga: Kimete Berisha Më: 27 shtator 2020 Në ora: 11:57
Kimete Berisha

Nuk ka nivel më i ultë se ky, kur i thërret njerëzit me 'emra ofendues' e me nofka.

Kur ua ndryshon një shkronjë dhe pastaj emri merr kuptim ofendues.

Dhe nuk është vetëm nivel i ultë, por është edhe 'teknikë e propagandës', është abuzim verbal i shkallës më të ulët, është mungesë totale e kreativitetit, e argumentit dhe e diskursit politik.

Shqiptarët e kanë zanat me t'ngjit emra, ta ngjesin emrin e personazhit të naj seriali që s'ke qenë as e lindur kur ka 'lu', naj kusherire demelicë apo të naj gjumashi, me qëllim që ti mos m'u ndje kurrë kompetent e i aftë për kurrgjë.

Por, që mendon se duke e quajtur 'Koti' qeverinë Hoti, krijon opinion negativ për të, dhe se fjala 'koti' mjafton për ta bërë Avdullah Hotin 'dështak', gabon, se sa më shumë që po i thua Koti, po e bën Hoti!

Pra, po e bën interesant sepse Ai nuk po

të përgjiegjet. E kish këtë zanat të mirë Avdullahu.

Nuk mund të jetë dikush edhe 'koti' edhe i korruptuar, kriminel e hajn. Se duhet me qenë superfuqi për ta bërë 'Jugosllavinë e katërt'.

Se 'njeriu kot' nuk bën asgjë, pra as nuk vjedh, as nuk dëmton, as nuk shkatërron, sepse me vjedh e me shkatërru duhet aktivitet e energji dy-fish më e madhe sesa me bë punë të hairit.

Për mua është zhgënjim i madh dhe dëshpërim që Albini bjen në nivel të atyre që e quanin 'qeveria Shkurti'.

Njeriu i imiton ata që i respekton, e jo ofenduest e tij.

Fati ynë që Albini 'i sulmon' 'rivalët' në intelektualitet, se me qenë amerikan, ata parapëlqejnë nënçmime më të rënda, edhe fizike.

Për shembull, kur një grua e 'akuzoi' Presidentin Trump për ngacmin, Ai u pëgjigj 'S'ka shans, nuk je tipi im'.

Fjalori të jep kaq shumë mundësi me qenë 'i keq', dhe i lig me fjalë, pa qenë 'i keq' e 'i lig' me vepra.

Ndoshta sepse shqiptarër kanë më shumë ndjenja negative sesa pozitive, edhe fjalë negative ka më shumë për t'u shprehur.

Për të më kuptuar drejt, po e jap një shembull:

Kur mua më 'fyejnë', ia nisin komentit me 'Kijamete, Qimete, apo diçka rreth seksit'.

A ka diskurs më të ulët dhe më të varfër sesa ky.

Nuk ka. Prandaj, ata persona automatikisht i refuzon si të padenjë dialektika ime. As nuk ndjehem e ofenduar, as nuk ndjej asgjë.

Të jesh 'armik' i madh ka punë. Duhen do kritere. Është njëfarë hierarkie. Duhet njëfar sharmi.

Nuk bën me lënë 'gjurmë' gjuhësore të mllefit tënd.

Një 'portal' fans i Hashim Thaçit e ka pasur këtë titull për mua:

'Ja çka shkruan kjo femër për Hashim Thaçin'.

Gjetje e fortë.

Edhe çka tash?

Unë femër jam, bile femër e gjysmë ...

Çka flet ky titull përveç që tregon pafuqinë intelektuale të autorit, pazotësinë e fjalës dhe padijen jashtëzonisht të madhe të tij.

Pra, kur ke fakte nuk të duhen 'nofkat', se nofkat janë për analfabetët.

Dhe, për fund, ideja e Avdullah Hotit për tërheqjen e 10 për qind të trustit është shumë e qëlluar dhe humane.

Më mirë t'i shpenzojmë ne paratë tona sesa që deri sot janë shfrytëzuar 'inkognito' nga 'Zoti e di kush'!

Refuzimi i VV është neveritës.

P.S. 'Tupani bën buçimë të madhe, sepse është i zbrazët'.

Sot mund të lexoni Shfletoni kopertinat