E fillova këtë shkrim në vetën e parë, me deklarimin tim, në Kuvendin e 9-të Zgjedhor të LDK-së, si delegatë nga Dega e LDK-së në Gjermani, Një skenar i përsëritur, në tri Kuvendet e fundit, ku unë isha delegat. Pa debat, pa konkurrencë, pa votim të fshehtë demokratik! E njëjta Kryesi, në të tri Kuvendet! Lidershipi-klan, i koracuar në tavolinën drejtuese të "Kuvendit", si "xhandar", kontrollon fort sallën kuvendore. Kryetarët e Degëve në mesin e delegatëve të tyre, janë porositur "të heshtin si peshqit" dhe të votojnë me akamacion, ngritje dore kolektive, unanime, për çfarëdo dhe për këdo, që kërkon dejtuesi i Kuvendit!
Kam përcjellur me vëmendje deklarimet e kuadrove të LDK-së, pas shqetësimit zgjedhor. Qasje kritike, por, edhe sugjërime, për ta rimëkëmbur, sërishmi, partinë, dikur krenare të Ibrahim Rugovës, kanë dhënë: Fatmir Rexhepi, Melihate Tërmkolli, Frashër Demaj, Naser Rugova dhe, së fundi, edhe Besian Mustafa, anëtar i Kryesisë, që shënon një risi shpërthyese, për sjelljen e papërgjegjshme të udhëheqjes të LDK-së. Megjithatë, kritikët në fjalë lënë paqartësi, në çështjen e statutit, ndërsa kompetencat e kryetarit, në qendër dhe bazë i heshtin fare! Përmenda vetëm disa emraa më të zëshëm, por, në surdinë janë shumë.
Pavarësisht kërkesës të strukturave të partisë dhe të anëtarësisë, për të organizuar zgjedhje të përgjithshme brenda-partiake dhe Kuvend të Jashtëzakonshëm, Lidershipi i LDK-së, ngutshëm e përmutshëm, me qëllim të ikjes të përgjegjësisë faktike, për humbjen fatale të zgjedhjeve të 14 shkurtit, ka caktuar datën e mbajtjes të një Kuvendi-farsë, për zgjedhjen e kryetarit dhe të kryesisë. Kësaj i thonë injorim dhe shpërfillje, deri në dhjerje, të strukturave, anëtarësisë, elektoratit dhe popullit.
Shtrohet pyetja, pse na përsëritet viti 2006, në vitin 2021?! Sepse, edhe pas denoncimit të shkaqeve, - pse humbi LDK-ja -, dhe pas 17 vjet humbjeve serike të LDK-së, pa asnjë fitore, qendrore apo lokale, është vazhduar me të njëjtën udhëheqje, pa asnjë llogari-dhënie, pa pranim të fajësisë!! Dhe, sot, në Kuvendin e 10-të, "të pakuptimtë dhe shterp, në mungesë të parakushteve", - siç thotë Besiani ynë mençurak, ne lejojmë që i njëjti klan, pas shkaktimit të dy përçarjeve, të dy ndarjeve të mëdha të LDK-së, të vazhdojnë "me avazin e Mukjes", siç ka hyrë në zhargonin gjuhësor të shqiptarëve të Shqipërisë londineze.
Ishte Konferenca e Mukjes, (fshat i Krujës), e ballistëve dhe komunistëve, me manipulimin e emisarëve jugosllavë, Dushanit e Milladinit, të cilët realizuan përçarjen e shqiptarëve, deri në luftën civile, qytetare, njëjtë, si tani, Hashimi e Kadrija, që përçajnë e ndajnë LDK-në.
Besiani me shokë janë shumë të vonnuar, në analizat dhe kritikat e tyre, por, lë të ngushëllohemi me shprehjen popullore, "më mirë vonë se kurrë!" E themi këtë, sepse në një intervistë të Besianit, në "dpt" te Fidani, pyetjes se "kur do të bëhen reformat në LDK-e", ai përgjigjej se "reformat vazhdojnë ndër vite e dekada!" Vërtet, reformat edhe atëherë, edhe sot, janë shumë të vonuara. Dhe, unë zemër-plasur, iu hakërrova atij, me shkrimin - Zhgënjen Besjan Mustafa", edhe pse e dija se ai flet me porosinë e shefit të tij.
Kuvendi i LDK-së, tashmë, i caktuar për 14 mars, duhet "ta harrojë" zgjedhjen e kryetarit dhe të kryesisë të LDK-së. Përkundër, ai duhet ta zgjedhë ekipin përgaditor ose - Këshillin Organizativ -, për përgaditjen e Zgjedhjeve të Jashtëzakonshme, kësaj vere. Ekipi, këshilli duhet të kryesohet nga veprimtarë, të cilët nuk janë pjesë e fajësisë, që ka rezultuar me rrënimin e LDK-së. Kuvendi i tanishëm duhet të zgjedhë një Komision të ri, për ndryshime statutare. Duhet të debatojë dhe analizojë, "pa dorëza", shkaqet e humbjeve serike 17- vjeçare.
Kuvendi i ardhshëm zgjedhor, pas përgaditjeve disa mujore, duhet të rezultojë me reforma, ndryshime cilësore në zhvillimin e punimeve të Kuvendit të LDK-së, pas përfundimit të procesit zgjedhor: në Aktiva, Nëndegë, Degë dhe deri në Kuvendin Qendror, ku do të zgjidhën strukturat e partisë, përfshirë edhe kryesinë dhe kryetarin e LDK-së.
- Vazhdon -
