Provimi

Opinione

Provimi

Nga: Sevdail Hyseni Më: 9 tetor 2021 Në ora: 09:15
Karikatura e përpunuar marrë nga interneti

Dy studentë biznesi

Shkuan në provim,

Njëri s’kishte mësuar

T’keqen asnjë mësim!

 

Vendos të mos hyjë

Në provim i pari,

T’ia lëshoj rendin

Shokut për së mbari!

 

Nga jashtë përgjonte

Me veshin në portë,

Çfarë përgjigje jepte

Studenti për notë!

 

Pyetja e parë filloi:

-Kë urren Ti?

Studenti tha preras:

-Hitlerin, gjithsesi!

 

Së dyti e pyeti:

Rrugët me se i shtroni?

-Me zall, ashka, bujashka

E një shtresë betoni!

 

E treta e vërteta:

-A plotësohet norma e punës?

Qind për qind!- tha studenti

Me majën e gjuhës!

 

Më pas në provim

Hyn studenti tjetër,

Me kokën tullace

Si një kokërr pjepër!

 

Si të quajmë bilbil?

Filloi pyetja e parë:

-Hitler më thonë

U shpreh si n’pazar !

 

Po, çka ke në kokë?

Vazhdon pyetja e dytë:

-Zall, ashka, bujashka

-Tha me shpirt në fyt!

 

Së treti e pyeti:

-Sa je budalla?

Tha: qind për qind

Prof për mashallah!

Më të lexuarat
Sot mund të lexoni Shfletoni kopertinat