Një veturë është gjetur sonte e djegur në Pejë.
Prokurorja kujdestare e Prokurorisë Themelore të Pejës, Sahide Gashi, tha për Kallxo se dyshojnë se vetura që është gjetur e djegur është përdorur në përleshjen e armatosur që ndodhi te Parku i Vogël i qytetit.
Përleshja, sipas Policisë, ka ndodhur rreth orës 22:00.
Në këtë incident është plagosur një person, i cili është dërguar në Spitalin Rajonal për trajtim mjekësor.
I plagosur është Besim Lajqi, i cili në momentin e të shtënave ishte i shoqëruar nga Xhevdet Kelmendi.
Ky i fundit ka shpëtuar pa u lënduar.
