Gjykata Themelore në Pejë ka aprovuar kërkesën e Prokurorisë Themelore për caktimin e masës prej 1 muaji paraburgim për personin i cili ka bërë keqpërdorim seksual të personit nën moshën 16- vjeçare.
Ngjarja kishte ndodhur më 6 shkurt, rreth orës 19:30, në Pejë, kur i pandehuri e futë në automjetin e tij të miturën, në mënyrë që ta dërgoi në shtëpi, por gjatë rrugës ai i ka ofruar të miturës të holla për shërbime seksuale.
Sipas një komunikate të gjykatës, pas arritjes në fshatin Brestovik, kjo veturë është ndalur nga patrolla e policisë, e cila ka arrestuar të pandehurin.
Me këto veprime i pandehuri F.B., dyshohet se ka kryer veprën penale ‘Keqpërdorim seksual i personave nën moshën 16 vjeçare’.
Të pandehurit i është caktuar masa e paraburgimit në kohëzgjatje prej një muaji.