Ndalohet një person, dyshohet se goditi për vdekje 39 vjeçarin nga Peja dhe iku nga vendi i ngjarjes - Bota Sot
Ndalohet një person, dyshohet se goditi për vdekje 39 vjeçarin nga Peja dhe iku nga vendi i ngjarjes

Peja

Ndalohet një person, dyshohet se goditi për vdekje 39 vjeçarin nga Peja dhe iku nga vendi i ngjarjes

Më: 13 prill 2019 Në ora: 17:24
Pamje të rënda nga vendi i ngjarjes

Arton Curri 39 vje֛ç u gjet i vdekur mëngjesin e sotëm në arat e fshatit Vitomiricë të Pejës. Ai dyshohet që u godit nga një veturë, shoferi i së cilës ka ikur nga vendi i ngjarjes. Për këtë, Prokuroria Themelore e Pejës ka ndaluar një person të dyshuar.

Ky person u ndalua në dyshimet për veprat penale: “Rrezikim i trafikut publik” dhe “mosdhënia e ndihmës personit të lënduar në fatkeqësinë e trafikut publik”. Ndaj tij është bërë kërkesë për paraburgim.

Këto informacione i ka bërë të ditura Shkodran Nikçi-zëdhënës në Prokurorinë Themelore të Pejeës.

“Prokurori i Departamentit te Pergjithshem ne Prokurorine Themelore te Pejes, ka ndaluar nje person me dyshimin se ka shkaktuar aksident me pasoja fatale përkatësisht ka goditur personin e gjetur sot pa shenja jete. I dyshuari me vendim te prokurorit te shtetit eshte ndaluar per 48 ore për shkak të dyshimit se kishte për kryer dy vepra penale “Rrezikim i trafikut publik” nga neni 378 të kprk së dhe “mosdhënia e ndihmës personit të lënduar në fatkeqësinë e trafikut publik” nga neni 382 të KPRK.  Ndaj te njejtit brenda afatit ligjore, Prokuroria do beje kerkese per caktimin e mases se paraburgimit”, tha Nikçi. I dyshuari është ndaluar për 48 orë.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...