LVV-je e ka përkrahjen e miqve tanë amerikan në luftimin e krimit të organizuar dhe korrupsionit..! - Bota Sot
LVV-je e ka përkrahjen e miqve tanë amerikan në luftimin e krimit të organizuar dhe korrupsionit..!

Peja

LVV-je e ka përkrahjen e miqve tanë amerikan në luftimin e krimit të organizuar dhe korrupsionit..!

Nga: R. Elezaj Më: 17 shtator 2019 Në ora: 21:38
Pamje nga takimi

Kështu tha në takimin me qytetarët e fshatit Treboviç, komuna e Pejës, Rexhep Selimi, nënkryetar dhe kandidatë për deputet, i cili në fjalën e tij hyrëse numëroi prioritet kryesore të qeverisë së ardhshme të cilën do ta udhëheq lideri i VV-jes, kryeministri i Kosovës,  Albin Kurti.

Ndër prioritetet e para, do jetë lufta e pa kompromis kundër krimit të organizuar dhe korrupsionit, pastaj ngritja e nivelit dhe cilësisë në arsim, përmirësimi i kushteve në shëndetësi, përgatitja e platformës gjithëpërfshirëse për bisedimet me Serbinë, ulja e papunësisë, sidomos në sektorin privat, si dhe ndalja e ikjes së rinisë sonë në vendet perëndimore.

Ndërsa kandidatët për deputet nga LVV-je në Pejë, znj. Hidajete Nikçi, Bashkim Nurboja dhe Ali Lajqi, në pika të shkurta shpalosën idetë si dhe planin e punës së tyre, secili në fushat përkatëse, të cilët u zotuan se do bëjnë çmos për ta ndryshuar gjendjen e vështirë ekonomike, sociale dhe në arsim në të cilën e kanë katandisur qeveritë e deritanishme, sepse kështu nuk mund të ecim përpara me gjitha këto keqpërdorime, vjedhje si dhe ngecje zhvillimore në të gjitha fushat e jetës!

Ndërsa në pyetjen rreth spekulimeve në opinionin kosovarë dhe në disa qarqe ndërkombëtare, se aleatët tanë perëndimorë, gjoja nuk do ta lejojnë ardhjen në pushtet të LVV-je dhe Albin Kurtit, edhe nëse ajo del e fituese në zgjedhje, me pretekstin se dialogun me Serbinë duan ta përmbyllin me akterët e deritanishëm, PDK-në, AAK-në e ndoshta edhe me LDK-në, dhe meqë LVV-je ka treguar qëndrime të ashpra karshi Serbisë dhe dialogut me të, Rexhep Selimi, tha se kjo është një propagandë kundër VV-jes e atyre të cilët tanimë e kanë ndjerë se me 6 tetor do t’i humbin zgjedhjet, por ne nuk frikësohemi nga paragjykime të tilla, sepse ne e kemi të gatshëm programin qeveritar, duke përfshirë edhe platformën për bisedime me Serbinë, tha ai.

Image
Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...