​Pacientja 74-vjeçare që vdiq në Pejë kishte edhe sëmundje kronike

Peja

​Pacientja 74-vjeçare që vdiq në Pejë kishte edhe sëmundje kronike

Më: 16 prill 2020 Në ora: 15:51
Foto ilustrim

Në Komunën e Pejës deri më tani janë infektuar gjashtë persona me COVID-19, ku pesë prej tyre janë duke u trajtuar në kushte shtëpiake. Ndërsa, pacienti i parë i infektuar në këtë komunë, pacientja zero 74-vjeçare, ka ndërruar jetë mëngjesin e hershëm.

Drejtori i Shëndetësisë dhe Mirëqenies Sociale në Komunën e Pejës, Petrit Loci, ka thënë për KosovaPress se gjendja është nën kontroll.

Loci: Gjendja në Komunën e Pejës është nën kontroll

"Gjendja në Komunën e Pejës është nën kontroll e institucioneve përkatëse. Gjendja e pacientëve të prekur është pesë, pasi që pacientja zero në orët e hershme të mëngjesit ka ndërruar jetë ne Klinikën Infektive në Prishtinë. Ndërsa, gjendja shëndetësore e pesë të tjerëve është stabile, dhe duke u monitoruar 24 orë nga Instituti i shëndetit Publik dhe nga Policia e Kosovës", tha Loci.

Ai th otë se 74-vjeçarja nga Peja e infektuar me koronavirus, kishte edhe sëmundje tjera përcjellëse kronike.

Loci: Pacientja e vdekur sot kishte edhe sëmundje tjera kronike

"Pacientja në fjalë ka qenë 74-vjeçare, ka qenë pacientja e parë e prekur nga Covid-19. Ka qenë e shtrirë nga data 25 mars në Klinikën Infektive të QKUK-së dhe gjatë gjithë kësaj periudhe është trajtuar në Klinikën Infektive ku edhe sot ka ndërruar jetë. Pacientja në fjalë ka vuajtur edhe nga sëmundje tjera kronike dhe po ashtu ka qenë pozitiv me Covid-19", tha ai.

Ndër të tjera, Loci tregon se katër familjarët të tjerë të afërm të pacientes, që ka ndërruar jetë sot, janë të infektuar me koronavirus.

Ai bën të ditur se janë bërë testet, ku disa persona janë liruar dje nga karantina, ndërsa gjatë ditës së sotme pritet të bëhen edhe teste të tjera të familjarëve të saj.

Petrit Loci thotë se në Pejë është duk e u respektuar kufizimi i lëvizjes, vendim që u mor para dy ditësh nga Ministria e Shëndetësisë.

Loci: Jemi të furnizuar për një periudhë afatmesme

"Që nga fillimi jemi angazhuar që institucionet shëndetësore primare t’i kemi të furnizuara me masat mbrojtëse bazike. Në fillim kemi pasur probleme të theksuara, por gjatë kalimit të kohës kemi arritur që përmes furnizimeve që kemi bërë nga Ministria e Shëndetësisë si dhe nga furnizimet vetanake që kemi bërë nga buxheti i komunës që sot të kemi në gjendje stabile, të kemi furnizime për momentin dhe për një periudhë afatmesme", deklaron Loci.

Deri më tani në Kosovë janë 423 të infektuar me koronavirus, ku 71 prej tyre janë shëruar, ndërsa 10 kanë vdekur.

commentFirst article
Sot mund të lexoni Shfletoni kopertinat