Ngritën aktakuzat e para për moszbatim të masave ndaj COVID-19

Peja

Ngritën aktakuzat e para për moszbatim të masave ndaj COVID-19

Më: 19 qershor 2020 Në ora: 17:27
Foto Ilustrim

Prokuroria e Shtetit ka nisur ngritjen e aktakuzave ndaj personave që gjatë pandemisë Covid-19, nuk kanë zbatuar rregullat e përcaktuara nga Ministria e Shëndetësisë, për luftimin dhe parandalimin e përhapjes së këtij virusi.

Më shfaqjen e rasteve të para më conronavirus në Kosovë, Ministria e Shëndetësisë së bashku me Qeverinë kishin marrë masa kufizuese për luftimin dhe parandalimin e përhapjes së virusit, ndër të cilat edhe kufizimi i lirisë së lëvizjes së qytetareve dhe mbyllja e restoranteve, kafeneve e qendrave tregtare.

Mirëpo këto masa nuk u zbatuan në përpikëri nga qytetarët, gjë që ka rezultuar edhe me arrestimin e një numri të madh të tyre.

Pas tre muajve, ka nisur edhe ngritja e aktakuzave për këtë raste, për veprën penale të mosveprimit sipas dispozitave shëndetësore gjatë epidemisë.

Njëra ndër to është Prokuroria Themelore në Pejë, e cila ka ngritur tre aktakuza të tilla, në Gjykatën Themelore në Pejë.

Këtë gjë e ka bërë të ditur, për “Betimi për Drejtësi”, zëdhënësja e gjykatës në fjalë, Tringa Zhuti.

“Në Gjykatën Themelore në Pejë janë pranuar tri Aktakuza për vepër penale “mosveprimi sipas dispozitave shëndetësore gjatë pandemisë”, nga neni 250 i KPK-së.”, thuhet në përgjigjen e zëdhënëses Zhuti.

Ndryshe, lidhur me arrestimet e personave për moszbatim të vendimeve të lartpërmendura, Paneli Këshillues i Ekspertëve Ligjorë-Kosovë si pjesë e Panelit Këshillues të Ekspertëve Ligjor-Evropë, me 17 prill 2020, ka publikuar analizën ligjore “Kundërligjshmëria e arrestimit të qytetarëve nga ana e Policisë së Kosovës, si rrjedhojë e mosrespektimit të vendimit të Ministrisë së Shëndetësisë”.

commentFirst article
Sot mund të lexoni Shfletoni kopertinat