Më 29 tetor u raportua për arrestimin e Besim Nikqit, zyrtar policor nga Peja, nën dyshimin për shantazh, ngacmim dhe kanosje.
Përkundër ankesës së mbrojtësit të tij, Gjykata vendosi që Besim Nikqi të vazhdojë të mbetet në paraburgim, me arsyetimin se akoma ekzistojnë shkaqet për një masë të tillë
Lajmin për Sinjali e ka konfirmuar Gjykata Themelore e Pejës.
“Në këtë çështja penale gjykata ka vepruar sipas kërkesës së prokurorisë dhe e ka aprovuar masën e propozuar.”
Nikqi dyshohet se në vazhdimësi e ka shantazhuar denoncuesen përmes fotografive që ka pasur në telefonin e tij, që iu sekuestrua si provë materiale për këtë rast.
Në ditën që u arrestua, edhe Inspektorati Policor njoftoi se i dyshuari është suspenduar.
Kujtojmë se Nikqi është zyrtar policor nga stacioni policor në Gorazhdec të Pejës.