Arrestohet një qytetar para stacionit policor në Pejë, gjysmë i zhveshur hipte mbi automjete

Peja

Arrestohet një qytetar para stacionit policor në Pejë, gjysmë i zhveshur hipte mbi automjete

Më: 30 nëntor 2020 Në ora: 19:10
Pejë

Një i ri është arrestuar mbrëmjen e së hënës në Pejë, pasi kishte shqetësuar qytetarët, duke u ngjitur mbi automjetet e tyre gjysmë i zhveshur.

I dyshuari këto veprime i kishte bërë në afërsi të stacionit policor në Pejë, ku edhe intervenimi i policisë ka qenë i shpejt.

Sipas informacioneve janë dashur vetëm disa minuta që ai të lokalizohet dhe të prangoset.

Lajmin e ka konfirmuar zëvendësdrejtori i Policisë Rajonale të Pejës, Veton Elshani për Radio 1.

“E kemi arrestuar. Nuk i dimë arsyet dhe shkaqet që e kanë çuar në këso veprime personin e dyshimtë. Tani merret në pyetje dhe procedura vazhdon. Qytetarët janë shqetësuar por ne kemi vepruar shpejt”, ka thënë Elshani.

Shfaq komentet
comments powered by Disqus
Sot mund të lexoni Shfletoni kopertinat