​127 pacientë me COVID-19 po trajtohen në Spitalin e Pejës, 24 në gjendje më të rëndë shëndetësore

Peja

​127 pacientë me COVID-19 po trajtohen në Spitalin e Pejës, 24 në gjendje më të rëndë shëndetësore

Më: 1 dhjetor 2020 Në ora: 09:48
Foto ilustrim

127 pacientë të infektuar me COVID-19 janë duke u trajtuar në Spitalin e Pejës. nga spitali kanë njoftuar se 4 pacientë janë në respiratorë e 87 pacientë janë në oksigjenoterapi dhe 24 janë në gjendje më të rëndë shëndetësore.

“9 pacientë janë shëruar gjatë 24 orëve të fundit me Covid-19. Aktualisht në Spitalin e Përgjithshëm në Pejë me Covid-19 janë duke u trajtuar 127 pacientë. Sa i përket gjendjes së pacientëve: 4 Pacientë janë në Respirator, 87 pacientë janë në Oksigjeno terapi ndërsa nga këta 24 janë në gjendje të rëndë”, thuhet në njoftimin e spitalit.

Nga personeli i Spitalit të Pejës aktualisht të Infektuar me COVID-19 janë 32 persona, nga ta 9 mjekë, 12 infermierë dhe 11 nga Shërbimet Administrative dhe Teknike.

Përndryshe gjatë 24 orëve të fundit në Spitalin e Përgjithshëm në Pejë, 190 pacientë kanë marrë trajtim emergjent shëndetësorë, dhe nga këta 19 pacientë janë shtrirë për trajtim të mëtutjeshëm.

Shfaq komentet
comments powered by Disqus
Sot mund të lexoni Shfletoni kopertinat