Berisha: Në Komunën e Pejës do të kthehet ligjshmëria

Peja

Berisha: Në Komunën e Pejës do të kthehet ligjshmëria

Më: 24 korrik 2021 Në ora: 13:25
Rrustem Berisha

Aleanca për Ardhmërinë e Kosovës tashmë ka zyrtarizuar 17 kandidatë për kryetar të komunave.

Kandidati i kësaj partie për Pejën, Rrustem Berisha, sot ka mbajtur konferencë për media, e para që nga zyrtarizimi i tij si kandidat për të parin e njërës prej komunave më të mëdha në vend.

Berisha ka thënë se do i ofrojë Pejës gjithë përvojën dhe ekspertizën e tij profesionale për një qeverisje të mirë dhe një program të hartuar nga ekspertët dhe ekipi profesional, gjithnjë në shërbim të plotë ndaj qytetarëve të Pejës.

Ai theksoi se komuna e Pejës ballafaqohet me probleme të shumta në sfera të ndryshme dhe se ai si kryetar ka disa prioritete siç janë: kthimi i ligjshmërisë në komunën e Pejës, zhvillimi ekonomik, arsimi, infrastruktura, urbanizmi, bujqësia, turizmi, kujdesi permanent për kategoritë e dala nga lufta, diaspora dhe mbështetja për rininë, kulturën dhe sportin.

Berisha tha se në fund ekipi i ekspertëve të fushave të ndryshme janë duke hartuar programin qeverisës i cili do shpaloset në kohë optimale.

Kujtojmë se Rrustem Berisha ka qenë Ministër i parë i Mbrojtjes, në kohën e të cilit është formuar Ushtria e Kosovës, në qeverinë Haradinaj 2.

Gjithashtu, ai ka qenë udhëheqës në Ushtrinë Çlirimtare të Kosovës, më saktësisht komandant i Betejës së Koshares. Rrustem Berisha pas luftës ishte për 7 vjet Drejtues i Akademisë së Mbrojtjes në Prishtinë ku janë shkolluar oficerë e nënoficerë të rinjë të Ushtrisë së Kosovës. Po ashtu Gjeneral Berisha ka ushtruar detyrën e Zëvendës Komandantit të Brigadës për Reagim të Shpejtë në kuadër të FSK-së.

Ai synon të merr mandatin e të parit të Pejës pas 8 vite të qeverisjes së LDK-së.

Shfaq komentet
comments powered by Disqus
Sot mund të lexoni Shfletoni kopertinat