Prokuroria Themelore e Pejës ka ngritur aktakuzë kundër S.K., për rrezikim të trafikut publik dhe ka propozuar që i pandehuri të shpallet fajtor dhe të dënohet sipas ligjit.
S.K. më 5 maj 2018, në rrugën Istog-Novosellë, derisa po transportonte pasagjerë, humb kontrollin mbi autobus dhe del nga korsia e rrugës, ku përplaset për disa lisa, ashtu që si pasojë e kësaj pesë udhëtarë kanë pësuar lëndime të rënda trupore, kurse 18 të tjerëve u janë shkaktuar lëndime të lehta trupore.
Me këto veprime ekziston dyshimi i bazuar mirë se i pandehuri ka përmbushur elementet e veprës penale të përshkruar, thuhet në njoftim.
