Përvjetori i mamasë! - Bota Sot
Përvjetori i mamasë!

Perkujtime

E mërkurë, 01 prill 2020

Përvjetori i mamasë!

Nga: Alfred Papuçiu Më: 1 dhjetor 2019 Në ora: 14:26
Prindërit e Alfred Papuçiut

Lexoj „Librin e nënës sime“, të Albert Cohen, e cila është një vepër monumentale për çdo qenie njerëzore që ka lindur në këtë botë.  Asnjeri nuk ka nënshkruar ndonjë kontratë kur ka lëshuar thirrjen e parë dhe asnjëri nuk do të nënshkruajë kontratë kur të ikë nga kjo botë.

 Megjithatë, deri në vdekje, atij do t’i kujtohet nëna e vet...

Dhe unë në çaste të veçanta, kur jam vetëm, kujtoj me mallëngjim fytyrën e nënës sime të dashur, fjalët e saja të mira për birin e saj. Me kalimin e moshës, ajo ishte bërë edhe më e urtë, më fjalëpakë.

Megjithatë, ajo kishte një kujtesë të jashtëzakonshme dhe dinte të tregonte me saktësi histori të familjes sonë, me një dhunti të veçantë prej aktoreje teatri që e ka pasur qysh në moshë të re, kur vazhdonte gjimnazin e Tiranës « Nëna Mbretëreshë », si dhe më vonë në ushtrimin e profesionit të saj fisnik, si edukatore kopshti.

 Ajo u largua nga kjo jetë më 1 dhjetor 2011, në krahët e bashkëshortes sime, Rozës, e cila për disa vite me radhë i shërbeu me devotshmëri, sikur ta kishte nënën e saj. I përjetshëm qoftë kujtimi i saj, i tim eti dhe të gjithë të afërmve të paharruar që nuk janë më në këtë jetë.

Image
Komentet
comments powered by Disqus
Më të lexuarat
Sot mund të lexoni Shfletoni kopertinat