Sot u bënë 5 vite pa nënën, bashkëshorten dhe të dashurën tonë Havën.
Edhe pse u bënë 5 vite nga vdekja jote, malli për ty nuk po ndryshon, vetëm sa vjen e shtohet. Realiteti çdo ditë e më shumë po na mëson se asgjë nuk do ta largojë dhimbjen për ty, ajo do të jetë e përjetshme.
Çdo gjë është më e zbehtë dhe e zbrazët pa ty, na mungon dashuria jote e madhe, fjala jote e ëmbël, po ashtu edhe urtësia dhe mirësia jote.
Mami ti ishe gjithmonë vetvetja, e dashur, bamirëse, një grua me plot dinjitet dhe një nënë e përkushtuar ndaj nesh. Mburremi që të patëm dhe do të mbetesh heroina jonë përjetësisht.
Ike pa e shijuar jetën, duke na lënë përgjithmonë me zemër të thyer.
Të përkujtojmë gjithmonë me mall dhe zemër: Djemtë Florianiti dhe Pleurati, bashkëshorti Aliu, vjehrra Tusha, kunati Fatmiri me bashkëshorten Manushen, djemtë dhe vajzën Gresën dhe kunata Rukmoni me familje.
