Presidenti i Kosovës, Hashim Thaçi është shprehur se ky viti është momenti më i mirë për të arritur marrëveshje me Serbinë. Këtë deklaratë Thaçi e ka bërë gjatë një interviste për “Associated Press”.
Njohësi i çështjeve politike, Islam Krasniqi ka deklaruar për “Bota sot” se arritja e një marrëveshje finale në mes të Kosovës dhe Serbisë, ashti siç dëshiron Thaçi është e pamundur, pasi që është shumë e rrezikshme.
“Presidenti Thaçi dëshiron që gjatë mandatit të tij të fundit të arrij një marrëveshje apo të bëjë një kompromis me Serbinë, por një gjë e tillë është e pamundur, sepse kompromiset apo idetë e presidentit janë të dëmshme dhe shumë të rrezikshme dhe ka humbur edhe përkrahjen e partisë së tij. Republika e Kosovës nuk është e gatshme për një marrëveshje final me Serbinë sepse dialogu deri me tani ka qenë i errët dhe kanë mbetur shumë çështje pa u diskutuar, duhet shumë marrëveshje për tu definuar dhe Serbia nuk është aspak serioze në këtë aspekt”, ka thënë ai për “Bota sot”.
Gjithashtu, Krasniqi është shprehur se Serbia po e pret krahëhapur idenë e Thaçit për korrigjim të kufirit dhe se Thaçi po i jep “zjarr” duke thënë se marrëveshja është afër. “Serbia me krah-hapur po e pretë idenë për korrigjim kufijsh që të shtrohet në tryezë, që ta bëjë realitet një kërkesë të kamotshme të tyre. Mos harromi të cekim së edhe presidenti Thaçi po i jep zjarr nëpër mendja duke thënë së marrëveshja është afër, duke na kujtuar edhe kompromiset e radhës të dhimbshme, dhe duke e harruar Pakon e Ahtisarit, e cila ishte një kompromis shumë dhimbshëm, mirëpo në nuk kemi pse kërkojmë të vazhdojmë ta lusim Serbin, atë duhet ta vret ndërgjegjja para së të ulët përball, me kokë ulur e jo si këta qyqarët tanë të cilët po harroni gjithçka kur po shkoni atje për asgjë!”, ka përfunduar Krasniqi për “Bota sot”.