“Lajme të mira nga Prishtina, Kosova po bëhet gati që qytetarët e saj të udhëtojnë drejt Europës pa viza”, këto ishin fjalët e shefes për Politikë të Jashtme dhe Siguri e BE-së, Federica Mogherini, por tashmë janë bërë një vit që nga ratifikimin i marrëveshjes së demarkacionit me Malin e zi, dhe qytetarët e Kosovës ende nuk kanë liberalizim të vizave.
Deputetja e Lëvizjes Vetëvendosje, Drita Millaku, në një prononcim për “Bota sot”, blerja e liberalizimit me territor të vendit ka qenë për faqe të zezë, dhe kjo ka treguar se qeveritaret kane luajtur me sovranitetin e vendit.
“Premtimet e rrejshme thënë të drejtën nuk kanë ardhur vetëm nga BE ja, por edhe nga ana e qeveritareve tanë, sepse ka qenë e ditur se blerja e liberalizimit me territor të vendit ka qenë për faqe të zezë, ka treguar se qeveritaret tanë luajnë me sovranitetin e vendit të vet dhe për këtë arsye tani kërkojnë një gjë të tillë edhe me kufijtë me Serbinë”, ka thënë ajo për “Bota sot”.
Po ashtu, deputetja e VV-së ka potencuar se ku u votua demarkacioni premtuan se komisioni do të rishikoj marrëveshjen brenda 6 muajve ,kjo nuk ndodhi as pa një viti.
Po ashtu, ajo ka përmendur edhe vizitën e Ministrit të Jashtëm të Malit të Zi, Sërgjan Darmanoviq , me të cilin nuk është diskutuar për marrëveshjen e demarkacionit.
“Pra politika ka rënë pre e premtimeve të rrejshme dhe njëkohësisht pre e lakmisë për pushtet. Kur u votua demarkacioni premtuan se komisioni do të rishikoj marrëveshjen brenda 6 muajve, kjo nuk ndodhi as pa një viti. Me e keqja është se pikërisht pas 1 viti të demarkacionit ishte në vizitë ministri i jashtëm i Malit të Zi dhe as qe u diskutua dhe as qe u përmend marrëveshja e demarkacionit. Dhe deklarata e të dy ministrave ishte se "nuk kemi çështje të hapura ndërmjet dy shteteve". Pra e mashtruan popullin e lodhur e të dënuan nga rrenat dhe premtimet e tyre”, ka përfunduar Millkau për “Bota sot”.