Alarmi i ri për zbrazjen e Kosovës, paralajmërohen ikjet masive nga të rinjtë

Politika

Alarmi i ri për zbrazjen e Kosovës, paralajmërohen ikjet masive nga të rinjtë

Nga: D. B. Më: 27 mars 2019 Në ora: 21:56
Aeroporti i Prishtinës

Analisti politik Skender Zogaj, ka pohuar se Kosova është duke e ndjekur besnikërisht modelin e Shqipërisë Londoneze, që edhe pas 107 vitesh të shpalljes së shtetësisë, nuk po mund të bëhet shtet i lirë dhe as i pavarur për shkak të kapjes së shtetit nga strukturat kriminale.

Image
Skënder Zogaj

Ai ka thënë se njësoj po ndodh edhe me institucionet shtetërore të Kosovës që janë bërë servis të makinerisë kriminale, e cila ka mbërthyer çdo gjë dhe po ia thithë gjakun popullit, duke ia venitur çdo shpresë për një jetë më të mirë.

“Shifrat zyrtare thonë 170 mijë, por në fakt në 12 vitet e kaluara nga Kosova janë larguar 250 mijë shqiptarë dhe së paku 100 mijë të tjerë do të ishin larguar që sot sikur t’u jepej mundësia. Pra, kemi një gjendje krize alarmante, me pasoja të pallogaritshme kombëtare, që është më e keqe se çdo lloj tradhtie. Aparati nepotik shtetëror si meduzë i ka mbërthyer të gjitha institucionet të cilat janë të preokupuara me interesat e veta të ngushta përfituese dhe aspak me hallet e shtetasve që po shkojnë drejt varfërisë së skajshme. Rinia e ka humbur çdo shpresë, sepse në Kosovë nuk mund të fitojë as bukën e gojës prandaj po ik. Dhe ikjet e rinisë do të bëhen edhe më masive, ngase vet shteti është i interesuar që të rinjtë të largohen sepse kjo është mënyra më e lehtë e zgjidhjes së problemit”, ka thënë analisti politik Skender Zogaj.

commentFirst article
Sot mund të lexoni Shfletoni kopertinat