Ish agjenti i SHIK-ut tregon se a ka qenë Konjufca anëtar i këtij shërbimi, zbulon detaje për Xhavit Halitin dhe Molliqajn - Bota Sot
Ish agjenti i SHIK-ut tregon se a ka qenë Konjufca anëtar i këtij shërbimi, zbulon detaje për Xhavit Halitin dhe Molliqajn

Politika

Ish agjenti i SHIK-ut tregon se a ka qenë Konjufca anëtar i këtij shërbimi, zbulon detaje për Xhavit Halitin dhe Molliqajn

Nga: D.RR Më: 13 prill 2019 Në ora: 09:42
Dardan Molliqaj, Glauk Konjufca dhe Xhavit Haliti

Deklarata e deputetit të PSD-së, Dardan Molliqaj se Glauk Konjufca ishte pjesë e SHIK-ut në të kaluarën, bëri bujë të madhe në opinion. Molliqaj akuzoi edhe Fadil Lepajën se ishte rekrutues i Konjufcës në SHIK, mirëpo Lepaja e demantoni menjëherë deputetin e PSD-së, i cili më herët ishte pjesë e Vetëvendosjes.

Lidhur me këto akuza, për “Bota sot” ka folur ish anëtari i SHIK-ut, Naim Miftari, i cili mohon se Glauk Konjuca të ketë qenë ndonjëherë anëtar i SHIK-ut. Ai thotë se SHIK-u u keqpërdorë nga kryesia e tij.

“Glauk Konjufca kurrë nuk ka qenë pjesë e SHIK-ut. SHIK-un e kishin nën kontroll Hashim Thaçi, Veseli, Haliti e nja 3-4 persona tjerë, e të cilët e keqpërdorën SHIK-un dhe u bënë milionerë nga ky shërbim. 90% e anëtarëve të SHIK-ut ishin njerëz të mirë, por kryesia e këtij shërbimi e keqpërdori këtë. D.m.th, nuk do të thotë të jesh person i keq nëse ke qenë në SHIK”, thotë ai.

Image
Naim Miftari

Miftari mendon se deklarata e Molliqajt ishte skenar i kahmotshëm dhe gjithashtu një debat televiziv ndërmjet Xhavit Halitit dhe Dardan Molliqajt, ku ky i fundit e quan kriminel Halitin, është vetëm një skenar mirë i organizuar nga ata të dy, që Molliqaj të fitonte vota te populli.

“Deklarata e Molliqajt është skenar dhe organizim i kahmotshëm. Nëse ju kujtohet një debat televiziv ndërmjet Xhavit Halitit dhe Dardan Molliqajt, ku ky i fundit e quan kriminel Halitin, është vetëm një skenar mirë i organizuar nga ata të dy, që Molliqaj të fitonte vota te populli. Pse asnjëherë Molliqaj nuk u burgos për organizimet e tij nëpër protesta, ku ai organizonte së bashku me disa persona tjerë sulme ndaj policëve me gurë, nxirrte persona zyrtarë nga vetura, etj”, ka theksuar Miftari për “Bota sot”.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...