Avokati Tomë Gashi ka thënë për “ Bota sot” se në Kosovë thuajse askush se kryen punën siç duhet, pasi gjithçka është shndërruar në sipërfaqësore.
Sipas tij, askush nuk kërkon përgjegjësi për asgjë, madje edhe vrasjet e përdhunimet e kryera, gjatë luftës janë bërë vetëm numra që përdoren kohë pas kohe, për poena politik.
“Tragjeditë e të tjerëve janë bërë biznes për një pjesë të grupacionëve politike dhe shpesh edhe për zyrtarë të lartë shtetëror dhe politik. Është papërgjegjësi dhe është krim të mbahet një foto kinse e dhunimit të femrave në Kosovë për 16 vite dhe e njëjta të mos dorëzohet tek organet e ndjekjes dhe të mos verifikohet fare. Kjo është krim në vete dhe kur këtë e bënë një deputete duhet të bëjnë një pyetje: Mos vallë ka faj vet populli që voton kësi njerëz të pa përgjegjshëm që të na përfaqësojnë në Kuvend të Republikës. Është e çuditshme se çfarë populli jemi, kur as Parlament e Qeveri nuk kemi, dhe biem në këtë nivel të deputetëve injorantë dhe të gërditshëm”, ka thënë avokati Tomë Gashi.
