Analisti politik, Faik Krasniqi, në një prononcim për “Bota sot” ka komentuar skandalin e deputetes së Partisë Demokratike të Kosovës, Flora Brovinës, si dhe ndikimin e saj në vënien e drejtësisë së krimeve serbe në Kosovë.
Ai ka thënë se duke e ditur që Evropa është në anën e Serbisë, me këtë veprim i kemi bërë autogol vetvetes, si dhe me këtë veprim do ta përdorë propaganda ruse e serbe.
“Përdhunimet që kanë ndodhur në Kosovë nga serbet janë faktike, dhe s'ka pasur nevoje të futen në këto aventura. Duke e ditur që Evropa është në anën e Serbisë, me këtë veprim i kemi bërë autogol vetvetes. Me këtë gënjeshtër publike tashme të demaskuar, propaganda ruse e serbe do ta përdorë si shembull për të hedhur poshtë çdo prove e ngjarje që do të paraqitet para publikut.. për krimet që kanë bërë në Kosovë”, ka thënë Krasniqi për “Bota sot”.
Po ashtu, ai ka potencuar se Serbia do t`i mohojnë akuzat ndaj përdhunimeve duke i përdorur fotografit e publikuar nga Brovina.
“Çfarë do të thotë Serbia? Në Kosovë nuk kanë ndodhur përdhunime. Ata gënjejnë. Marrin foto nga faqe pornografike dhe me ato foto mundohen ta dëshmojnë që në Kosovë kanë ndodhur përdhunime nga forcat serbe. Askush nuk do të na merre seriozisht. Skenaristi PDK qëllimisht e "amnistoi" Serbinë”, ka përfunduar Krasniqi për “Bota sot”.