Analisti politik, Ali Hertica, në një prononcim për “Bota sot” ka thënë se çerdhja e krimit dhe korrupsionit në vend janë tek institucionet e drejtësisë.
“Çerdhja e korrupsionit dhe krimit në Kosovë, është tek prokurimi dhe liçensat e shtetit, te prokuroria dhe gjyqësia e shtetit, nënshkrimi i kontratës dhe marrja e lejes për ndërtimin e një spitali në hapësirat e QKUK-së, dyshohet se ka përfshirë në fajde, mashtrim dhe detyrim, një grup prej së paku 8 personash”, thotë ai, për “Bota sot”.
Gjithashtu, Hertica ka thënë se këto institucione të rendit dhe të ligjit kanë nevojë për besim dhe përkrahje maksimale të tërë shoqërisë në luftën e pa kompromis kundër krimit të organizuar.
“Operacioni policor ka përfshirë disa rajone të ndryshme, përfshirë komunat Zveçan, Zubin Potok, Leposaviç, Mitrovicë Veri, Mitrovicë Jugu, Skenderaj dhe Drenas është që institucionet e rendit dhe ligjit kanë nevojë për besim dhe përkrahje maksimale të tërë shoqërisë në luftën e pa kompromis kundër krimit të organizuar, kontrabandës dhe korrupsionit, në tërë territorin e Republikës së Kosovës”, ka thënë ai për “Bota sot”.