Deputeti i Lidhjes Demokratike të Kosovës, Anton Quni e konsideron si të suksesshëm procesin zgjedhor të LDK-së në Prizren, ku u zgjodh kryetar dege. Në një intervistë ekskluzive për gazetën “Bota sot”, deputeti Quni ka rrëfyer gjithë ecurinë e zgjedhjeve në Prizren si dhe arsyen përse nuk kishte ndonjë ekses apo situatë të pakëndëshme si në degë të tjera.
“Populli ynë thotë: “kur diçka nisë mbarë, mbarësi sjell”, mendoj që unë dhe Dritoni e nisëm mbarë garën, duke bërë publike me kohë kandidaturat tona. Më pas punuam në teren që të dy, me aktivistët, strukturat dhe anëtarësinë e partisë. Kishte raste kur merrja pjesë në kuvende të nëndegëve dhe më jepej fjala t’u drejtohesha të pranishmëve, në rastet kur Dritoni nuk ishte i pranishëm, refuzoja të merrja fjalën me qëllimin që ta ruaj korrektësinë në raport me të si kundërkandidat. Kur të dy ishim të pranishëm, u jemi drejtuar anëtarësisë me mesazhe të bashkëpunimit, vlerësimit, respektit të ndërsjellë si dhe me premtimin që bashkëpunimi ynë për të mirën e LDK-së do të vazhdojë, pavarësisht se cili do të dalim në fund të garës fitues. Unë dhe Dritoni, përgjatë gjithë procesit, jemi zotuar që do të japim shembullin e mirë se si mund të garohet duke ruajtur frymën pozitive dhe kolegialitetin e respektin njerëzor për njëri tjetrin. Në këtë kuptim, mendoj se të dytë mund të ndihemi të fituar, pasi që sjellja jonë dhe mesazhet që kemi përçuar i mbajtën afër e të bashkuar gjithë anëtarësinë e LDK-së në Prizren”, ka deklaruar Quni.
Ai po ashtu ka treguar nëse do të kandidojë për të parin e LDK-së apo do të përqëndrohet në LDK-në e Prizrenit.
(Intervistën e plotë mund ta lexoni nesër)