Ministritë e Qeverisë së Kosovës vazhdojnë të marrin vendim pa u konsultuar me kryeministrin e vendit. I tillë është rasti edhe i vendimit të djeshëm nga Ministria e Punëve të Jashtme të vendit.
Ministria e Punëve të Jashtme të Kosovës ka paralajmëruar se nuk do t`i lejohet asnjë zyrtari të Beogradit vizita në Kosovë. Kështu ka njoftuar shefi i kabinetit të Ministrisë së Punëve të Jashtme të Kosovës, Jetlir Zyberaj, i cili ka njoftuar se ky vendim është marrë pas kërcënimeve dhe propagandës së vazhdueshme që Serbia i bënë ndaj Kosovës.
Për këtë vendim pati edhe reagime nga Serbia, si dhe nga Bashkimi Evropian.
Për këtë reagoi edhe kryeministria të cilët deklarojnë se nuk është marrë një vendim i tillë.
Njohësi i çështjeve politike, Rexhep Shahu, në një prononcim për “Bota sot”, e ka quajtur shaka të radhës dhe se Kosova nuk ka fuqi të mbajë vendime të tilla.
Po ashtu, Shahu për “Bota sot” e ka quajtur qesharak pasi që nuk e mbanë dot fjalën nga presioni ndërkombëtar.
“Më duket si shakaja e radhës sa për lajm vere për gazeta e televizione. Nuk ka fuqi Kosova të mbajë vendime të tilla, por vetëm cenon seriozitetin e vet qeveria. Duke u bërë qesharake sepse nuk e mbanë dot fjalën për shkak të presionit ndërkombëtar”.