Një gjermane do të kryesojë Komision Evropian që nga 1 nëntori. Ministrja gjermane e Mbrojtjes Ursula von der Leyen arriti të fitojë këtë post me 383 nga 747 vota të mundshme, duke u bërë kështu gruaja e parë në krye të këtij posti të lartë të BE-së.
E zgjedhja e saj në krye të KE-së në Kosovë u vlerësua si lajm i mirë.
Lajm të mirë për Kosovën zgjedhjen e saj e vlerësuan kryeministri Ramush Haradinaj e ministri i Jashtëm, Behgjet Pacolli.
Njësoj mendoj dhe deputetja nga radhët e AAK-së, Time Kadrijaj.
Në një prononcim për gazetën “Bota sot”, ajo ka thënë se tani ndikimi gjerman do të jetë më i madh në të gjitha proceset, qoftë për liberalizim të vizave, qoftë për anëtarësim në organizata ndërkombëtare.
“Duke e ditur se Gjermania është përkrahëse e Kosovës, ky ashte lajm i mirë sepse tash ndikimi gjerman është më i madh në të gjitha proceset, qoftë për liberalizim të vizave po edhe ndikimi gjerman për anëtarësim në organizata ndërkombëtare dhe në proceset integruese”, ka deklaruar Kadrijaj për “Bota sot”.