Kryeministri i vendit, Ramush Haradinaj, ka dhënë dorëheqje nga pozita e tij.
Lajmin e ka bërë të ditur vetë Haradinaj në mbledhjen e Qeverisë dhe dorëheqja është e parevokueshme.
Politologu Faik Krasniqi ka thënë për “Bota sot” se është vështirë të konkludohet se çfarë fshihet prapa kësaj dorëheqje, kjo për faktin se edhe në vitin 2004, ndodhi një gjë e tillë, për shkak të ftesës së Gjykatës së Hagës, ku Haradinaj patë dhënë dorëheqje nga posti i kryeministrit.
“E njëjta gjë edhe tash po ndodh, por megjithatë për mijëra arsye Haradinaj do të duhej të largohej nga posti i kryeministrit, por jo në këtë formë. A do të kemi vazhdimësi të kësaj Qeverie apo jo, mbetet të shihet në ditët në vijim. Ka mundësi që do të zëvendësohet nga Kadri Veseli në postin e kryeministrit, dhe kjo lënë hapësirë për dyshime që me Gjykatën Speciale bëhen edhe pazare politike”, ka thënë politologu Krasniqi.
