Në një mënyrë krejt të papritur, të premten, kryeministri i Kosovës, dha dorëheqje të parevokueshme nga posti i tij si kreu i Qeverisë.
Arsyeja e kësaj dorëheqje, tha të jetë ftesa si i dyshuar që i është bërë nga Gjykata Speciale në Hagë, ku dhe do të udhëtojë javën e ardhshme.
Me lot në sy në konferencë për media ai u dorëhoq, një dorëheqje që pati reagime të shumta pro dhe kundër.
Për dorëheqjen e tij dhe ftesën nga Specialja, ish gazetari i luftës dhe publicisti, Rexhep Shahu, ka thënë për gazetën “Bota sot” se ftesa është e padrejtë ndaj tij dhe Kosovës, duke shtuar se Haradinaj në luftë ka qenë në Kosovë komandanti më komandant.
“Më duket se është e padrejtë, është presion ndaj Kosovës, ndaj Ramushit që doli kundër rrjedhës se Hashimit me shokë për korrigjim kufijsh. Unë jam emocional për Ramushin pasi në kohën e luftës ai ka qenë brenda në Kosovë komandanti më komandant dhe nuk ka bërë luftë në Tiranë a Kukës a perëndim”, ka deklaruar Shahu për “Bota sot”.
