A do të ishte e rrugës që edhe dyshja Thaçi e Veseli të dorë hiqen nga pozitat që mbajnë, ashtu siç bëri Ramush Haradinaj ditë më parë, nëse Gjykata Speciale do t`i thërriste për intervistim në Hagë?
Analisti politik Faton Mehmeti ka thënë për “Bota sot”, se është e vështirë të besohet se në këtë periudhë do të ftohen Thaçi e Veseli nga Gjykata Speciale, në veçanti në periudhën e bisedimeve me Serbinë.
“Nëse nuk arrihet marrëveshje me Serbinë atëherë ftohet edhe Thaçi, ndryshe vështirë mund të besohet. Gjithsesi shembulli i Haradinajt duhet të shërbej edhe për të tjerët që ti përgjigjen drejtësisë, duke hequr dorë nga pozitat aktuale. Në këtë logjikë do të ishte e rrugë që edhe Kadriu të ndjek këtë shembull, pavarësisht se kur do të ftohet në Gjykatë. Por këtyre të PDK-së u mungon vullneti për tu përballur me drejtësinë pasi e dinë se nuk janë të pastër”, ka thënë analisti politik Faton Mehmeti.