Tashmë është bërë e zakonshme që deputetët e Kuvendit të Kosovës, të mos marrin pjesë në seancat që zhvillohen.
Profesori Binak Maxharraj, për “Bota sot”, ai ka kritikuar kryetarin e Kuvendit të Kosovës, Kadri Veselin për punën e tij dhe ka thënë se është detyra e tij që të krijojë disiplinë në Kuvend.
“Faji kryesor i një sjellje të papërgjegjshme të deputeteve ndaj punës së tyre, e ka edhe vetë Kryeparlamentari Kadri Veseli i cili nuk është në nivel te detyrës për te krijuar një disiplinë të mirëfilltë të deputeteve. Kjo edhe është detyra e tij, apo ndoshta e terë kjo nuk i konvenon as atij sepse është mësuar të krijoj gjurullti dhe sallamadi në Parlament”, ka thënë ai për “Bota sot”.
Po ashtu, ai ka potencuar se Veseli ka të drejtë t`i ndëshkojë deputetët sipas rregullores së Kuvendit.
“Ai nuk i ndëshkon deputetet që ikin nga seancat, anipse mund ta bëjë këtë sipas rregullores, ai nuk i ndëshkon as deputetet të cilët me muaj të tërë nuk dukën në seancat e parlamentit”, ka shtuar Maxharraj për “Bota sot”.