Shkuarja në zgjedhje të parakohshme pa e shpërndarë Kuvendin e Kosovës nuk ka, andaj rruga tjetër është mos ndërtimi i Qeverisë nga mandatari.
Kështu ka vlerësuar njohësi i çështjeve juridike Muhamet Kelmendi i cili në një prononcim për “Bota sot” ka thënë se kushtetuta cakton afatin prej 40 ditëve për zgjedhje nga dita e shpërndarjes së Kuvendit të Kosovës.
“Shpërndarja e Kuvendit bëhet vetëm me 61 vota pro. Por tash varet shumë se me 22 gusht PDK, NISMA dhe PSD a do të votojnë për apo kundër shpërndarjes. Mendohet se AAK, LDK dhe VV janë për shpërndarje të Kuvendit dhe për zgjedhje të parakohshme. Andaj me shpërndarje i kthehen edhe kompetencat sovranit (popullit)”, është shprehur njohësi i çështjeve politike e juridike Muhamet Kelmendi.