Koalicioni parazgjedhor LDK-LVV i pamundur, nuk përjashtohet koalicioni pas zgjedhor - Bota Sot
Koalicioni parazgjedhor LDK-LVV i pamundur, nuk përjashtohet koalicioni pas zgjedhor

Politika

Koalicioni parazgjedhor LDK-LVV i pamundur, nuk përjashtohet koalicioni pas zgjedhor

Nga: D. B Më: 13 gusht 2019 Në ora: 15:00
LDK-LVV

Kryetari i Lidhjes Demokratike të Kosovës, Isa Mustafa dhe ai i Lëvizjes Vetëvendosje, Albin Kurti në takimin e mbajtur kanë diskutuar për situatën politike në vend dhe gjendjen e rëndë ekonomike për nevojën e daljes nga kriza dhe të vendosjes së shtetit në binarët e zhvillimit.

Madje Kurti përmes një postimi në Facebook ka treguar se me 22 gusht dy grupet parlamentare LDK-LVV do të jenë në përbërje të plotë për ta shpërndarë Kuvendin, duke premtuar se qytetareve të Kosovës t’ju rikthehet shpresa.

Kurse analisti politik Imer Mushkolaj takimin e dyshes Muatafa dhe Kurti i ka quajtur një takim pajtimi, për bashkëqeverisje pas zgjedhjeve.

Ai ka thënë për “Bota sot” se takimi ndërmjet Mustafës e Kurti është në funksion të arritjes së një pajtimi për bashkëqeverisje pas zgjedhjeve.

“Një koalicion parazgjedhor ndërmjet këtyre dy partive është i pamundur, për shkak se të dyja kërkojnë ta kenë postin e kryeministrit. Por, nuk përjashtohet mundësia e bashkëpunimit pas zgjedhjeve, natyrisht nëse ndonjëra nga këto dy parti fiton më së shumti vota. Deri tash të gjitha projeksionet po bëhen bazuar në sondazhe, por vetëm rezultati i zgjedhjeve determinon përbërjen e qeverisë së re. Gjithnjë nëse zgjedhjet do të mbahen sipas paralajmërimeve”, është shprehur analisti politik Imer Mushkolaj.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...