Partitë ende nuk kanë publikuar listat me kandidatë për deputetë në zgjedhjet e 6 qershorit.
Në ndërkohë janë bërë publik vetëm disa prej emrave që do të jenë në listë.
E nga Lidhja Demokratike e Kosovës, u përfol se në listë do të jetë edhe kryetari i partisë, Isa Mustafa.
Por, burime të gazetës “Bota sot” kanë konfirmuar se Mustafa nuk do të kandidojë për deputet në Kuvendin e Kosovës.
Ndryshe, kryetari Mustafa në një intervistë për gazetën “Bota sot” së fundmi, ka thënë se do t’i përkushtohet më shumë punës në Akademinë e Shkencave dhe Arteve të Kosovës.