Largimi i John Bolton, lajm i gëzueshëm për shqiptarët - Bota Sot
Largimi i John Bolton, lajm i gëzueshëm për shqiptarët

Politika

Largimi i John Bolton, lajm i gëzueshëm për shqiptarët

Nga: D.B Më: 10 shtator 2019 Në ora: 20:39
John Bolton

John Bollton nuk është më këshilltarë i Presidentit Donald Trump. Bollton njihet si njeri i cili e ka kundërshtuar çdo herë pavarësinë e Kosovës.

Dhe, sigurisht me të drejtë ka ekzistuar frika për ndarje të Kosovës, që duket se është edhe nismë e Bolltonit.

Kështu ka vlerësuar analisti politik Skënder Mulliqi, i cili në një prononcim për “Bota sot” ka thënë se largimi nga ky post nga ana e presidentit Tuamp, sigurisht se ka të bëjë edhe me Kosovën. Sipas tij, ky është lajmi më i gëzueshëm që shumë kohë për shqiptarët.

Image
Skënder Mulliqi

“Ky lajm i madh me të drejt i largon dyshimet se do të kemi ndarje të Kosovës, mbi baza etnike në vazhdim të bisedimeve me palën serbe, që do të ishte rrezik i humbjes së territoreve të reja të Kosovës, dhe përballjes së mundshme me një luftë të re në Ballkan e me gjerë. Pse ndarja si opsion deri më tash nuk u bë faktike nga qarqet pro serbe, meritë të madhe ka kancelaria gjermane , Angela Merkel, por edhe qëndrimi pas saj të ish-kryeministrit, Ramush Haradinaj. Të bëhemi real , këtë nuk mund ta mohojë askush. Por sido që të jetë, shqiptarët mund të marrin frymë më shlirshëm , se vërtete miqtë tanë amerikan dhe evropian , nuk do të lejojnë që projektin e përbashkët për Pavarësisë të Kosovës ,ta vënë në peshore nga askush”, ka thënë analisti politik Skënder Mulliqi, duke shtuar se ky është grusht i rëndë edhe për qarqet proserbe dhe pro-ruse, të cilët historikisht, nuk po pushojnë karshi interesave të shqiptarëve në Ballkanin Perëndimor.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...