Vajza e Gani Gecit e thotë për herë të parë: Ja falë kujt i shpëtoi atentatit babai im - Bota Sot
Vajza e Gani Gecit e thotë për herë të parë: Ja falë kujt i shpëtoi atentatit babai im

Politika

Vajza e Gani Gecit e thotë për herë të parë: Ja falë kujt i shpëtoi atentatit babai im

Nga: N.H Më: 13 shtator 2019 Në ora: 23:25
Gani Geci

Vajza e Gani Gecit, Marigona, zyrtarisht është kandidate për deputete në kuadër të listës zgjedhore të LDK-së. Ajo në një intervistë ekskluzive për gazetën “Bota sot”, ka folur edhe për komunikatën numër 59.

Ndërsa mes të tjerave në këtë intervistë kandidatja e LDK-së ka theksuar se babai i saj ka shpëtuar disa atentateve falë zotit dhe mbështetjes që ka pasur nga vëllezërit e tij, dhe gjithë farefisit.

Image
Marigona Geci

“Familja ime nga ana e babës ka qenë në shënjestër të grupeve kriminale si gjatë ashtu edhe pas luftës. Babai i ka shpëtuar disa atentateve falë zotit dhe mbështetjes qe ka pasur nga axhallarët e mi, dhe gjithë farefisi im. Organet e drejtësisë duhet të jenë të ndara nga politika, unë kam qenë e re kur babai është plagosur, por i mbaj mend të gjitha. Besojmë dhe do të punojmë që organet e drejtësisë do të zbulojnë dhe do të dënojnë akterët e vrasjeve të aktivisteve të LDK-së”, ka thënë Marigona Geci për gazetën “Bota sot”.

Tutje, ajo ka thënë se është kompetencë e gjykatave që kanë të bëjnë me luftën ta zbardhin të vërtetën, dhe shpreson se misteri i komunikatës 59 do të zbardhet një ditë.

“Unë jam ekonomiste, por besoj që Prokuroria e shtetit dhe mekanizmat e saj do t’i qesin para drejtësisë të gjithë ata që kanë plagosur dhe vrarë aktivist të Lidhjes Demokratike të Kosovës, ndërsa sa i përket komunikatës nr. 59 është kompetencë e gjykatave që kanë të bëjnë me luftën dhe shpresojë se misteri i komunikatës 59 do të zbardhet nga ata që kanë kompetenca për ta zbardhur”, ka shtuar ajo.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...